Texts
Return to list | edit | delete | Create a new | history | Statistics | ? Help
Kukoi i reboi (Runosarn)
Kukoi i reboi (Runosarn)
Veps
New written Veps
Pul
išttes kanoidenke öl
üks’ kukoi launui , kuti segoi .
I neciš eile hondod völ ,
da kidan kulišti vanh reboi ...
Se oli kezal , hüvä mez’ .
Kut savu , sumeg rippui vilu ,
i kastken tippuiš oli hein ,
hot’ vihmad amu eilend siloi .
Kaks’ hirüt reboi vaiše söi ,
vac – pal’l’az , sikš i vägi kadoi .
I ectes midä-ni hot’ völ
hän surman eläjile kandoi .
Om reboin näl’gäs terav mel’ :
– Ah , Pešoim , tundištid-ik mindai ?
Ved’ sinä oled minun vel’l’ ,
vai , Pešoim , lühüd mušt om sinai ?
I ani pehmed hänen än’ :
– Ka kulištid-ik – kitänd sini !
Ed uhtei , laulai , topsid man ,
kanz sur’ , ka aigoiš lähteb uni !
I vozil keratud – om süvä mel’ !
– Ozuta-ške minei suugal ,
Kus joda voižin , armaz vel’l’ ,
ved’ minun sus i kurkus kuivi .
Min tahtoib manitai , sen sab .
– Nu , päzu , vellüt , – änes muhu ...
A meiden muštho laske jäb ,
kut putui kukoi reboin suhu .
Kukoi i reboi (Runosarn)
Veps
New written Veps
–
–