Texts
Return to list | edit | delete | Create a new | history | Statistics | ? Help
Runod norembile lapsile
Runod norembile lapsile
Veps
New written Veps
Kondi
Kondi – sur’ i bur ,
kondjal – lebukur :
uniš kondi – tal’vel
lumesižel aigal .
Nägeb čomid unid ,
magadab se kuni :
mezibučid nägeb ,
andab mezi väged !
Kus om jänoi ?
Jänoil pit’käd korvad ,
jänoil – pit’käd jaugad ,
jänoin jaugad – sorvad
jänoi tal’vel – vauged ,
Kus om lumel jänoi ?
Nägištada ei sa !
Muga aig-ki mäneb ,
kuti vätes , peitos !
Lugeb vozid kägi
Kukku kägi tal’vel ei ,
kuna vilu käged vei ?
Kül’menzoiti sida ?
Miš om kägen viga ?
Vaiše kevädel mä kulen :
il’mas kägen änüt sulab .
Kulen kukundoid mä uzid ,
lugeb kägi elon vozid .
Harag-haragaine
Harag-haragaine ,
kirjav bok i toine .
Harag mecas – herkhil ,
ei-ik ole verhid !
Kačatab se kuldes :
kackat , mecas oldes !
Vihanikoid – äjan ,
om niid ön i päjan .
Runod norembile lapsile
Veps
New written Veps