Texts
Return to list | edit | delete | Create a new | history | Statistics | ? Help
Nikolai Abramov. Muru-kažin polhe
Nikolai Abramov
Muru-kažin polhe
Veps
New written Veps
Ezisana
Sel’ged taivhan ülä ,
Magadab völ külä .
Kaži löuzi hiren ,
Kirjutin mä kirjan .
Sündunu om kezal ,
Erasišti – kelaz .
Maidod külläks imi ,
Muru – hänen nimi .
Openduses
Murul opetas om taht ,
Kaži-mam om necen täht .
Tarbiž tact’a laškuz , haik ,
Melid sada tuli aig .
– Avaikam-ko nece uks’ ,
Kuverz’ hirid täs om ? Üks’ !
Kacu , školha astub laps’ ,
Jäl’gil toine , kaiked – kaks’ !
Kalas
Järven laid om tünik ,
unohtadut uni .
Muru kalad tahtoib ,
kalatada mahtab .
Laske irdal kaste ,
kalha Muru astub .
Järven randha mäneb ,
Madon onghe paneb .
– Mindai koske ala ,
Koki , koki kala !
Senes
Sügüz’ man jo katoi ,
kaži sen’he astub ,
letud Murul händ .
Mecas täuz’ om senid ,
bahaloukuid penid
täuden löudab hän .
Muru-kažin polhe
Veps
New written Veps