Texts
Return to list | edit | delete | Create a new | history | Statistics | ? Help
Iisus tegeb tervheks ičeze kibus läžujan
Iisus tegeb tervheks ičeze kibus läžujan
Veps
New written Veps
1Erases
päiväs päliči Iisus möst mäni Kapernaumha . Konz kaik kulištiba , miše hän om kodiš ,2tuli muga äi rahvast , miše ei olend sijad verajanno -ki . Iisus saneli heile Jumalan sanoid .
3Hänennoks todihe ičeze kibus läžujan , kudamban kandoiba nel’l’ mest . 4Hö ei voinugoi nikut läheta neciš rahvazkogos Iisusannoks . Siloi hö murenziba katusen Iisusan kohtas i pästiba reighu sijan läžujanke .
5Konz Iisus nägišti , kut vahvas hö uskoba hänehe , hän sanui läžujale : «Poigaižem , sinun grähkäd om pästtud .»
6No sigä ištuiba erased käskištonopendajad i meletiba : 7«Mikš hän muga sanub ? Hän nagrab Jumalad .Ken toine ku ei Jumal voib pästta grähkäd ?»
8Iisus kerdalaz el’genzi ičeze hengel , midä hö meletiba , i sanui heile : «Mikš tö muga meletat ?
9Mi om kebnemb – sanuda läžujale : «Sinun grähkäd om pästtud », vai : «Libu , ota magaduzsija i kävele »?
10No miše tö tedaižit : Mehen Poigal om vald pästta grähkäd man päl », – nügüd’ hän sanui läžujale – 11«minä sanun sinei : libu , ota ičeiž magaduzsija i mäne kodihe .»
12Mez’ sid’ -žo libui , oti magaduzsijan i kaikiden sil’miš läksi . Kaik rahvaz čududelihe , ülenzoiti Jumalad i saneli : «Mugošt mö em nähnugoi völ nikonz .»
Iisus tegeb tervheks ičeze kibus läžujan
Veps
New written Veps