Texts
Return to review | Return to list
Nuorižon festivuali jatkuu
history
October 16, 2021 in 23:52 Nataly Krizhanovsky
- changed the author of the source
from Ol’ga Smotrova
to
May 30, 2019 in 14:25 Нина Шибанова
- created the text
- created the text: Mennyt pyhänpiän, 30. oraskuudu, Nuorižon festivualii vastattih Mägrien da Kuittizen kylis. Pahan dorogan periä matkua Kuujärvele ei roinnuh. Pidäy mustoittua, ku festivualii pietäh Karjalan tazavallan päivän hantuzis, se on Anuksen karjalazet -liiton projektu. Mägrien školas konsertu annettih Petroskoin valdivonyliopiston Toive-ansamblin artistat. Pahal siäl äijiä rahvastu konsertah ei tulluh, ga net, ket tuldih, ylen äijäl kiitettih neidizii da brihoi hyvis tansilois da pajolois – karjalazis, udmurtielazis, suomelazis, oniegantagazis da toizis. Mägrien eläjätgi ei jiädy bokkah da varustettih nuorile hyvä kul’tuuruprogrammu. Enzimäi ansamblin pajattajii gostitettih čuajul da šipainiekoil vaste ei ammui avavunnuos Armas talo -käzineroloin keskukses. Sen ruadai Nina Varšutina saneli, midä käzineruo opastetah keskukses da kui se perustettih. Mägrieläzet paheksitah, ku heil kyläs ei ole kul’tuurutaloidu, sendähgi tuli piäh idei avata moine keskus. Školas petroskoilazih artistoih niškoi piettih ekskursii školan muzeidu myöte. Sil aigua Kuittizen kylän kul’tuurutalois ihaškoitettih rahvastu Kajahušjoukko da Čičiliušku-tyttiteatru. Pidoh tuli äijy školaniekkua, kudamat mielihyväl yhtyttih vahnanaigazeh liygiläzien bes’odah, kačottih “Koirien Kalevalua”.