Texts
Return to list | edit | delete | Create a new | history | Statistics | ? Help
Laudaine, kudai tiedäy
Laudaine, kudai tiedäy
Livvi
New written Livvic
Vahnu
died'oi kuuli , kui brihačut paistah tiedokonehlaudazes .
– Laudaine , kudai kai tiedäy , duumaiččou died’oi . – Sen taki ostan .
Astuu died’oi laukkah , tagakormanis äijy dengua .Iče duumaiččou :
– Midä enämbi dengua , sidä enämbi tieduo .
Tiedokonehmyöjy ozuttau laudazii .Died’oi kummeksiu da kupettau omassah piädy .Kuibo laudazelpäi syön , kuibo se tieduo andau ?
– Sensorpaneli , sanou myöjy da piirdäy laudazel .
Ei tule laudazel syömisty .Langatoi yhtevys – se on minul mučoin kel .Tiedoloi voi juottua – kui vazale maiduo .
Da laudazel musto , da pidäy ottua luguh .Ottua luguh kui ehtäl lambahii libo kaloi katiskas .Rounogu myöjy pagizis vierahii kielii .Viirusanvastaine programmu – laudazelgo ?Minul ei pie olla sit voimatoi .
Died’oi kuundelou , gu laudaine pajattau da kuvat vilistäh silmien ies .Parembi on mučoin pajatus da nenga iložua on tarbehekse unis .
Ukko kyzyy hindua da lugou dengoi .Ei tävvy .Died’oi sanou :
– Kois mučoi ammuldau pudruo da suuppua minule laudazele da susiedan buabo andau tieduo .Niilöis on tarbehekse .Muanitus on kogo sinun laudaine .
Laukan uksi kolahtihes , konzu died’oi juoksi pihale .Myöjy pöllästyi .
Laudaine, kudai tiedäy
Livvi
New written Livvic
–
–