Texts

Armaš mua ei nikonša unohu

August 20, 2019 in 16:48 Нина Шибанова

created the text
created the text: Karjalan Tašavallan Kemin piirin hallinto kuččuu Ušmanan karjalaisie ta heijän jälkiläisie muistelomah omua kotikylyä ta käymäh kotirannalla. Upotetun kylän eläjät keräyvytäh kotimualla joka vuosi. Tänä vuotena pivot pietäh 11. kešäkuuta. Ohjelmašša on käynti Ušmanan muistopaččahalla ta konsertti Kemin kulttuuritalolla. Bušši lähtöy Kemin kulttuuritalon pihalta entisen Ušmanakylän paikalla 11. kešäkuuta huomenešpuolella. Matkah kučutah kaikkie halukkahie. Šamana päivänä klo. 16.00 Kemin kulttuuritalolla pietäh konsertti. Pitoloih kučutah Ušmanan karjalaisie ta kaikkie, ketä kiinnoštau Ušmanan istorija, karjalan kieli ta karjalaiset perintehet. Ušmanan ikävä kohtalo Enšimmäini vesivoimala oli rakennettu Kemijovella 1967 vuotena. Šilloin Ušmanan kylä oli joutun vejen alla. Ušmanan karjalaiset oli lähetty omašta kyläštä ken minne. Joka vuosi kešäkuun toisena pyhänäpiänä ušmanalaiset eri puolilta Venäjyä keräyvytäh šynnyinmualla. Tämä perinneh on pantu alkuh vuotena 1989. Šinä vuotena omalla šynnyinmualla keräyty 300 ušmanalaista.