Texts
Return to review | Return to list
Pövvähtäh
history
October 16, 2021 in 19:07 Nataly Krizhanovsky
- changed the author of the source
from Aleksandra Juppijeva
to
September 11, 2019 in 22:05 Нина Шибанова
- created the text
- created the text: Suarnu Pertis oldih kahtei. Emändy peräčupus kangastu kudou pläčkyttäy, čuppu vai tuigau. Ižändy päčin ies päretty kiškou. Ruado eistyy hyvin. Huondesruavot oldih jo ruattu, pertis por’adnu. Taigin pastettu. Taiginah vai jätetty vähäine kuivahtanuttu tahtastu muijoteksekse da jauhuo pirahutettu. Muga se taiginlaudazel katettu da orrel nostettu. Ukkogi dogadii: akku vai pläčkäy kangastu, čuppu tujahtau dai taigin orrel tärähtäy. Häigi sanou: – Pövvähtäh! Akku nimilleh ei ole. Ielleh ruadau. Uvvessahgi ukko burahtah: – Pövvähtäh! Akku kačahtih pertil. Kai on endizelleh. Ielleh pläčkyttämäh. Ukko uvvessah: – Pövvähtäh! – Ga mibo pövvähtäh? kyzyi akku. Ukko nimidä ei virka, ethäi ruaduo keskusta. Pläčkytti, pläčkytti akku kangastu dai taigin lattiel pövvähtihgi. – Sanoinhäi, pövvähtäh, ukko röhähtih nagroh. – Ga ethäi, kehno, putilleh voi sanuo, mi pövvähtäh! akku kirou ukkuo. Pidi ruado keskustua. Jauhot taiginas pölähteltihes pertile, tahtasmurut lattiele, taiginanlaudaine vieri laučan uale, härkin toizeh čuppuh. Ukkogi häbevyi: – Eigo hot’ taigin murennuh?