Texts
Return to list | edit | delete | Create a new | history | Statistics | ? Help
Kevätit Ili “Elä utele”
Kevätit Ili “Elä utele”
Karelian Proper
New written karelian
Moni
ikäihmini taitanou mielelläh muissella lapšušvuosijah , šitä huoletointa ta hyvin mukavua aikua .Niinpä miulaki muistu mieleh yksi mukava tapahuš lapšušajoilta .Panen šen nyt paperilla pienenä huumoripalasena ta arvelen , jotta še kelpuau luvettavakši kuin lapšilla , niin ni aikuhisilla .
…Kaunehina kevätpäivinä myö , viisi-kuušivuotiset pojanviikarit , juokšentelima villinä pihalla , kun pitän talven jälkeh kevätilma toi hyvyä mieltä . Emmähän myö voinun juokšennella näin täštäh , piti meijän toičči pahuaki ruatua ta još ei pahua , niin vaikkapa mukavie kepposie .No , eryähän kerran meilä tuli “tauviksi ” ruveta kurkistelomah ikkunoih , tietenki vierahien talojen ikkunoih .No ta noissa touhuissa miät šaiki kiini Anni-täti .Šai ta i šano :
– A voi-voi !Miksi työ , huppanat , kačotta lasista läpi pirttih .Ettäkö työ tiijä šitä , jotta teijän nuamoih tulou kevättie kuin tähtijä taivahalla .Šiitä teistä kaikista tulou yhtä kirjavie , kuin Mikko .
Näin Anni-täti šano .Myö kaččoma Mikkoh , a Mikko-paran nuama vet oli yhtä täplikäš kuin kärpäisšieni , ta myö pöläštymä ihan tosissah .
Mikko oli vanhin miän porukašta ta kaikista rohkein , šentäh hiän kurkistiki enšimmäisenä ikkunoih ta kuihutteli meitä pienimpie .Vain šen päivän jälkeh meijän tiihut puolettih , vierahat ikkunat jiätih rauhah .Meilä kun tuli tosi hätä , jottako myö tovellaki tulemma yhtä punakirjaviksi kuin Mikko .Kun šiih aikah peilijä ei ollun moneššakana talošša , niin myö pitimä tarkkah šilmällä toini toisen nuamoja , ei kačo yksikänä kevätti jiänyn huomuamatta .Ta joka kevätti oli koko joukon tiijošša , tieto kerkisi ruttoseh toisien korvih .
Nyt aikuhisena noita muissellešša šuun vetäy hymyh ta mieli virkistyy Anni-täjin šanoista , jotta “elä utele , tulet kevättinuamasekši ”.
Kevätit Ili “Elä utele”
Karelian Proper
New written karelian
–