Texts

Muamon mieli lapsessa

September 16, 2019 in 22:57 Нина Шибанова

created the text
created the text: Ennen muinoi sie varoi poigii kazvattoo. Pidee ned meres poikki kandoo. Otti yhten, kandaa meres poikki, dai kyzyy poijaldah: – Midäbo sinä minul root, kui minä sinuu kannan? Sanoo poigu: – Kanna ielleh, dai minä sinuu sit kannan. Vaoi sanoo: – Kielastad nygöi, ed minuu kanna, mene mereh, dai bučkai mereh. Toizen poijan otti, kandoi, kandoi, dai kyzyy tooz: – Midäbo sinä minul root, kui minä sinuu kannan? – Kanna ielleh, sidhäi minä sinuu kannan. – Kielastad, ed minuu kanna. Dai moomah hänen mereh heitäldi. Otti kolmanden poigazen. Kandaa sidä meren yliči i kyzyy: – Midäbo sit sinä minul lait, kui minä sinuu kannan? – Kanna ielleh moomarukku, viehäi minä sid omii poigazii kannan toiči. A ku voinnen, ga tuon sinulgi palazen. – No sinuu vien meren yliči, pravvan sanoit.