Texts
Return to list | edit | delete | Create a new | history | Statistics | ? Help
Iisusan Hristosan vajehtamine
Iisusan Hristosan vajehtamine
Veps
2Kudes
päiväs päliči Iisus oti ičezenke Petran , Jakovan i Joannan i vei heid eriži korktale mägele . Sigä hän vajehtihe heiden sil’miš ,3i hänen sädod zavodiba hoštta kuti lumi i tegihe mugoižikš vauktoikš , miččeks kangast niken man päl ei voi vaugištoitta .
4Sid’ heile ozutihe Ilja i hänenke Moisei , i hö pagižiba Iisusanke .
5Petr keskusti paginad i sanui Iisusale : «Ravvi , om hüvä , miše mö olem tägä .Mö tegem koume pertišt : ühten sinei i ühten Moisejale i ühten Iljale .»
6Hän ei tedand , midä sanuda , sikš ku hö oliba pöl’gästunuded .
7Necen aigan tuli pil’v , i hö ozaižiba sen pil’vesehe . Pil’vespäi kului än’ , se sanui : «Nece om minun armaz Poig , kundelkat händast !»
8I ühtnägoi , konz hö kacuhtiba ümbriže , hö ei nähnugoi enambad sigä nikeda tošt , vaiše ühten Iisusan .
9Konz hö laskihe mägelpäi , Iisus käski heile , miše hö ei sanuiži nikenele , midä hö oliba nähnuded , sihesai kuni Mehen Poig eläbzub kollijoišpäi .
10Hö pidiba Iisusan sanad ičeze meles i pagižiba kesknezoi , midä znamoičeb nece «eläbzuda kollijoišpäi ».
11I openikad küzuiba Iisusal : «Min täht käskištonopendajad sanuba , miše ezmäi tarbiž tulda Iljale ?»
12«Ilja tozi-ki tuleb ezmäi », hän sanui , «i paneb kaiken ičeze sijale . No mikš sid’ om kirjutadud , miše Mehen Poigale tarbiž äi mokitas , i kaik käraudasoiš hänehe sel’gin ?13Sanun teile : Ilja om jo tulnu ! Rahvaz vaiše tegiba hänele , midä tahtoiba , ninga ku hänen polhe om kirjutadud .»
Iisusan Hristosan vajehtamine
Veps