Texts
Return to review | Return to list
Jelizaveta Sevander: akt’ouran ammatin ezikuva
history
October 16, 2021 in 16:49 Nataly Krizhanovsky
- changed the author of the source
from Ol’ga Dubitskaja
to
September 19, 2019 in 14:16 Нина Шибанова
- created the text
- created the text: Pakkaskuun 14. päivänny Karjalan tazavallan Kanzallizen teatran akt’ouran Jelizaveta Sevanderan roindas täydynys 100 vuottu. Merkipäiväkse Kanzallizeh teatrah avattih Jelizaveta Sevanderan fotokuvien ozuttelu. Jelizaveta Jalmarovna Sevander (oma sugunimi on Pajunen) rodivui pakkaskuun 14. päivänny 1919 ruadajien pereheh Amieriekan Massachusettsštuattah, Peabody-linnah. Vuvvennu 1932 Jelizaveta vahnembien kel yhtes muutti Nevvostoliittoh, vuvvennu 1937 neidine loppi Karjalan druamutehnikuman. Jelizavetan tuatto, kui äijät toizet 1930-luvul, otettih kiini da tapettih. Valdivollizen suomelazen druamuteatran (nygöine Kanzalline teatru) artistujoukkoh neidine otettih vuvvennu 1940. Siberis evakos olles nuori akt’ouru Liisa ezityi tagavoruadajih da Karjalan frontan saldattoih niškoi, händy palkittih medalil Hyväs ruavos Suuren Ižänmuallizen voinan aigua. Jelizaveta Sevanderan kolliegat musteltih, kui hyvin häi ozutti laval spektaklin hengien luonnehtu da tabua. Sevander ezityi Gal’an roulis Aleksandr Afinogenovan Mašen’ka-spektaklis, Annin roulis Teuvo Pakkalan Tukkijoella-spektaklis. – Puaksuh repetitsieloin jälles myö Liisanke yhtes menimmö kodih. Häi kaimai minuu da sit lähti kodih. Silloi Jelizaveta kerdoi minule, kui hyö perehenke tuldih Nevvostoliittoh, kui jygei oli eliä, konzu hänen tuattah otettih kiini. Sih nähte saneli vaiku pihal olles, kerdoi omii mustelmii Jelizaveta Sevanderan ruadodovariššu, Karjalan arvostettu artistu Jelena Kornilova. Jelizaveta oli miehel Kuuno Sevanderal, kudai oli Kanzallizen teatran alguhpanijoi da enzimäine johtai. Kolliegat musteltih, ku naine ainos oli hyväs mieles, a akt’ouroin kois kai oli kunnos. – Erähän kerran, repetitsien jälles, lähtimmö Jelizavetan luo murginale. Nikonzu en nähnyh mostu kunduo – kai vešit oldih omil paikoil, murgin oli vie hiilavu. A mostu magiedu rokkua minä en syönnyh enämbiä nikus, mustelou Ven’an arvostettu artistu Vieno Kettunen. Jelizaveta Jalmarovna ainos avvutti nuorile artistoile, oli ezimerkinny ammatis da elokses. Hänel oli hyvä juumoran tundo, naine maltoi löydiä pättävy sana, mustoittua paginah pädii anekdottu. Jälgipäivät naine eli Suomes. Jelizaveta Sevander kuoli 5. heinykuudu 2011, naine pandih muah Petroskoin Suolusmäin kalmužimale. Kanzallizen teatran johtajan Irina Šumskajan sanoin mugah, tämä ozuttelu ei ole ainavo tänävuon. Vuvvennu 2019 teatras olis äijy 100-vuodehistu vuozipäivyniekkua. Jelizaveta Sevanderale omistettu fotokuvaozuttelu voibi nähtä Kanzallizes teatras tuhukuun 15. päiväh suate adresil Petroskoi, Karl Marksan piha, 19.