Texts
Return to list | edit | delete | Create a new | history | Statistics | ? Help
Hukkalat-Bakkalat
Hukkalat-Bakkalat
Livvi
New written Livvic
Tarabarskoit sanat
.A toinah ei …Tämä on karjalaine suarnu , kudaman personuažat ollah harmuat hukat .Tässäh mustan , kui syväin rubei kolkuttamah , konzu muamo libo buabo sanottih nämmii sanoi .Toinah tämän suarnan tiijämmö vaiku myö – minä da minun kaksi sizärdy .Minä da keskimäine sizär kuulimmo sen vahnembis , a meijän nuorembi sizär kuuli sen meis .Suarnua saneltih meile vaiku talven aigua .Kezälhäi sissäh kižaimmo da juoksendelimmö pihas , ku vägie jäi vaiku juvva stokan maiduo enne muate vierendiä .Talvi-illat ollah pitkät , aijoi pimenöy , et piästä lapsii pihale .Dai myö iče emmo lähtinys pihale tämän pöllättäjän suarnan jälles .A ku sie peitytäh nenne Hukkalat-Bakkalat ?
Mit net ollah ?Hukkalat on hukku-sanas .Mi on bakkala ?Toinah muite rifmakse da vie liijakse pöllättämizekse keksitty sana .Konzu buabo vai sanoi , ku suarnu rodieu Hukkaloih-Bakkaloih nähte , myö ylen äijäl varaimmo sidä , peityimmö od’d’ualah nenässäh , ku korvat oldas iral (pidäyhäi kuunnelta !).Eistyimmö lähembä buabua , rounoku häi voinus vardoija meidy nennis Hukkalois-Bakkalois .Algavui suarnu :
“Pihal oli pimei-pimei .Tuldih kyläh Hukkalat-Bakkalat .Juostah .Silmät suuret-suuret , jallat pitkät-pitkät , korvat suuret-suuret , nenät pitkät-pitkät .Tuldih Hukkalat-Bakkalat Fed’an pihah .Kyzytäh :
– Maguaugo teijän poigu ?
– Maguau , maguau , mengiä iäres !
Juostah Hukkalat-Bakkalat ielleh .Tuldih Fokan pihah .Kyzytäh :
– Maguaugo teijän tyttöine ?”
Nenga hukat lähettih meijän kodii .Meidy ylen äijäl varaitti .Kuni meijän pihassah oli viizi taloidu , vie sai tirpua .Vot hukat ollah jo meijän pihas .Da vie veriälöih kolkutetah .A buabo kyzyy : “Kuuletgo , meile pihaveriäh kolkutetah .”Tiettäväine , kuulen .Hos i tiijän , ku se buabo kolkuttelou seiniä .Kurkoine nouzi keroih , voin vaiku piädy häilätä , varaitti , ku suun avattuu minuu löytäh .I zavodihes pagin , jo minuh nähte kyzytäh , maguango .Buabo sanoi , ku minä maguan i ku hukat mendäs ielleh eččimäh niilöi , ket ei muata .Vaiku sen jälles , konzu buabo sanoi , ku hukat lähtiettih meijän pihaspäi iäres , minä heitin od’d’ualan .Varavostu kämmenet oldih märrät , a šokat oldih ruskiet .A ku buabo sanonus hukile , ku minä en magua da hyö otettas minuu meččäh ?Lapsen mielin duumaičin , ku hukkua oli viizi .Niilöil oldih suuret läpettäjät silmät da pitkät sorkat , opi tabua moine .Otetah minuu , vietäh meččäh , a buabo on vahnu , ei sua minuu järilleh .Tottu sanuo , buabal sil aigua oli vaiku 65 vuottu igiä .Žiäli , ku en kyzynyh hänel , kus häi tiijusti tämän suarnan .Mindäh minä enämbiä nikus sidä en kuulluh ?Minun buabo Akulina Vasiljevna eli 90 vuottu , ven’akse häi ei paissuh , tiezi vaiku sen-tämän mattisanan ven’akse .Mustan , oli moine kižalugu karjalakse : “Yksi , kaksi , kolme , nelli , viizi , kuuzi – pappi sluuži ”.Mindählienne toizii luguloi da suarnoi minä en musta ...
Hukkalat-Bakkalat
Livvi
New written Livvic
“
–
–