Texts
Return to review | Return to list
Vepsläižes pertiš
history
October 14, 2021 in 19:13 Nataly Krizhanovsky
- changed the author of the source
from Ol’ga Žukova
to
June 26, 2020 in 14:48 Нина Шибанова
- created the text
- created the text: Ende küliš letihe puižed pertid parzišpäi. Ühten katusen al oli ristituiden eländsija da kodiživatoiden tanaz. Niiden keskes oli pertedez. Pertin südäimes seižui sur’ päč. Paksumba se seižui čogas uksespäi da päčinsu kacui pertin ocseinäha. Nece oli tärged sija pertiš. Päč andoi lämäd, abuti keitta sömäd. Päčiš pašttihe leibäd da erzvuiččid pirgoid.Tal’vel päčil magatihe da kuivatadihe sobid. Päčin kohtas diagonalidme oli jumalčoga, miččes seižui jumalaine. Alahan oli pandud sömlaud. Pidust seinid oliba laučad, miččil išttihe da eskai magatihe-ki. ülähän seiniš rippuiba paličad. Sömastjad pidätihe paličal, mittušt nimitadihe ”astinikaks”. Käziden pestes rippui kaks’kurkuine käziastj. A pestud käded pühktihe käzipaikaha, mitte oli tehtud pölvhaspäi. Konz pertiš tegihe pimed viritadihe säresid, mugoižid hoikid puižid laudaižid. Ned pandihe säresenpidimehe. Korktad škapad jagoiba pertin paloid. Škapan taga oli ”akoiden” čoga, kus seižui magaduzsija da rippui bibul kätte. Kätkes magaziba pened lapsed, vagahaižed. Sobad ende pidätihe puižiš liphiš. Kaik kodikalud pertiš oliba tehtud ičelaze. Möhemba zavottihe toda lidnoišpäi jo osttud kodikaluid, astjoid da toižid predmetoid. Fotod om tehtud Piterin agjan Podporožjen rajonan Kurb-külän vepsläižes muzejas.