Texts
Return to list
| edit | delete | Create a new
| history
| ? Help
Nina Arhipova.
Nero-kišša
Corpus: Literary texts
New written karelian,
Source: Arhipova, N., Vuuvven lippahaini : [runot lapsille], (2016), p. 28-29
http://avtor.karelia.ru/elbibl/arhipova/vuuvven/28/index.html
Nina Arhipova
Nero-kišša
(Karelian Proper)
Ainolla on kaunis kišša,
Šitä Nero kučutah.
Pitkä puhaš karva kiiltäy,
Mušta-valkie väriltäh.
Kaunehešša kapšakissa
Aino kiššua kulettau.
Neron joka ainut päivä
Häntä ylen huolettau.
Onko kišša-parka šyönyn,
Onko juonun, kävellyn,
Onko koissa tänäpiänä
Taikka meččäh laukannun?
Tyttö šillä ruokua laittau,
Täyven mal'l'an ripottau,
Jotta piäsis Nero rauhah
Kiukuan piällä makuamah.