Texts

Return to list | edit | delete | Create a new | history | ? Help

Kylyh

Corpus: Poems

New written karelian, Literary texts

Source: Arhipova, N., Vuuvven lippahaini : [runot lapsille], (2016), p. 26-27
http://avtor.karelia.ru/elbibl/arhipova/vuuvven/26/index.html

Kylyh
(Karelian Proper)

Aino tuli ämmön luokše
Lepopäivyä viettämäh.

Kučču kostih vielä tytön:
Tulkua meitä kaččomah!”.


Vappu hoitau Ainuo,
Niin kuin pikku lašta
Čäijyt keittäy, letut paistau,
Šyöttäy vierahaista.


Ilosena juokšou rantah,
Šielä kylyö valmistau.

Halot pilkkou, vejet kantau,
Virityštä varuštau.


Lat't'uau pieneh kiukuah halot,
Panou kylyn lämpiemäh.

Tämän täštä juokšou rantah,
Käypi halkuo lisyämäh.


Pešöy lattien, tasat, laučat,
Lupšuau kiini röppänän.

Šiitä käšköy lapšie männä
Kuumah kylyh kylpömäh.