Texts
Return to list
| edit | delete | Create a new
| Statistics
| ? Help
Galina Baburova.
Koditusk
Galina Baburova
Koditusk
Veps
New written Veps
Kuti oja elo jokseb,
Voded lendaba, kut lind.
Minun henged tahtüks’ koskeb –
Tacta nece veraz lidn.
Küläs putun kuti sarnha,
Kus laps’aigad mänetin,
Kus mä vändin ezitanhal,
Tärktoiš azjoiš meletin.
Päčile mä libuin ehtal,
Kundlin baboin starinoid:
Kutak katl’as zel’l’oid keiti
Meiden mecas eläi noid.
Kut i ende, nügüd’, nacein,
Kaikjal sigä puhtaz il’m.
Miše nenid sijoid tacin,
Iče ičtain väritin.
Kalliž sija, armaz külä!
Henghe vägid sigä sad.
Ajan minä kodimale!
Kus om minum mam i tat.
