Texts
Return to list | edit | delete | Create a new | history | Statistics | ? Help
Vasilii Firsov. Peittomieli
Vasilii Firsov
Peittomieli
Livvi
New written Livvic
Oli
Kuz’mu linnas .Kolmen päivän peräs kiändyy kodih , tulou susiedu Pekka .
– Hei , Kuz’mu , sanou . – Nygöi minä sille avuan suuren peittomielen .
– Mittuine vie peittomieli , da vie suuri ?
Painui Pekka , dai sanou hil’l’akkazin :
– Minä sinun akanke magain .
Kerras rubei Kuz’mu kiehumah , otti kädeh pletin , käin vedi loitombi kovembi iškie čtobi – sit smiettiy : “Ruvennen minä Pekkua pletil pergamah , rähinehen azun , huonot paginat hieruu myö lähtietäh .Kai tiij ustetah , minun piäl ruvetah nagramah .Dielogo se on ?Ei niken paiči meidy kolmie tädä ei tiij ä.En rubie Pekkua pletil pergamah .On ku peittomieli , annagi peittomielenny jiäy .”
Työndi Kuz’mu Pekan , ei perganuh , rubei peittomieldy säilyttämäh parembi omii silmii , dai akale omale käski vaikkani olla .
Nenga meni yksi kuu , a Kuz’male myös linnah pidi lähtie .Lähti , a kolmen päivän peräs tuli kodih , a täs Pekka pertih tulou .
– Hei , Kuz’mu , sanou . – Avuan minä sinule suuren peittomielen .
– Mittuman vie peittomielen , sano teriämbi .
– Minä tuaste sinun akanke magain .
Rubei Kuz’mu kiehumah , otti pletin kädeh , tahtoi iškie .Nosti pletin piän piäl , vedi järilleh käin – smiettiy : “En rubie rähinehty azumah , susiedat korvat nostetah , a huomei kai hieru rubieu tiedämäh .Ongo se dielo .Ei se dielo ole .Parembi roih peittomieli pidiä , migu nagrettavakse roij akseh .”
Työndi Kuz’mu Pekan hyvin , ei perganuh , rubei peittomieldy säilyttämäh , dai akale käski vaikkani olla .
Meni kuu aigua , myös Kuz’mu linnah varustahes .Ajoi , kolmen päivän peräs tuli kodih , a täsgi Pekka pertih tulou .
– Hei , Kuz’mu , sanou . – Avuan sinule suuren peittomielen .
– Tuastego minun akanke magait ? tostihes Kuz’mu .
Rubei Pekka nagramah , dai sanou :
– Eh , Kuz’mu , Kuz’mu .Šuuttie et malta .En minä sinun akanke muannuh , ni ezmästy kerdua , ni tostu , ni kolmattu .Šuutin muga , tahtoin nagrua , a sinä kerras uskoit .Ha-ha-ha !Ho-ho-ho !
Uvvessah kiehui Kuz’mu , pletin kädeh otti – vot-vot Pekkua išköy .Ga azetui käzi , smiettiy ukko , sellittäy vaigiedu ruattavua .“Šuutku libo ei , duumaiččou , – a yksikai rähkie ei pie azua , lähtietäh paginat , kai hieru nagramah rubieu , hyvägo roih ? Annagi šuutku peittomielenny roih , se parembi rodieu .”
Työndi Kuz’mu Pekan hyvin , ei perganuh , rubei peittomieldy vardoiččemah parembi omii silmii , dai akale käski vaikkani olla .
A Pekka mietti kodvazen , dai todeh rubei susiedan akalluo käymäh .Vaiku Kuz’mu ajoh lähtöy , Pekka jo akalluo hänen istuu , čupukkua syöy , ⊂...⊃.Nagretah , Kuz’mua kiitetäh : “Maltau mužikku peittomieldy vardoij a gu silmyteriä : iče on vaikkani , dai akale käsköy vaikkani olla .
Peittomieli
Livvi
New written Livvic
–
–