Texts
Return to list | edit | delete | Create a new | history | Statistics | ? Help
Jakovlev Sergei . Hoitomatoin kylä
Jakovlev Sergei
Hoitomatoin kylä
Karelian Proper
New written karelian
Jätettih
kylä rahvaš .
Millä še oli viärä ?
Kaikkie še otti vaštah ,
Lämpimäh paikkah kiäri .
Kyläni-raukka šeisou ,
Ympäri ei niketä ,
Ei tulla ativoih heimot ,
Ei oteta kaivošta vettä .
Elettih šovušša kaikin ,
Yhtenä joukkona oltih ,
Kekšittih joka paikkua ,
Kyläštä piettih huolta .
Joka liäväššä lehmä ,
Lampahie šuuri karja ,
Hoijetut pellot pehmiet ,
Meččä on täyši marjua .
Jokahisella riitti ,
Ei pitän velkah ottua .
Murasi ken , vain kiitti –
Kylä še kaikkie vuotti .
Kešällä ativot käytih ,
Illalla šoitti harppu ,
Kunne nyt kaikin šuatih ?
Jiätih kašvamah huavat .
Tulehan kennih tänne –
On vielä järveššä kalua ,
Meččä on lintuna täyttyn ,
Ota vain , mitä haluot .
Šie pane kiukuah tulet ,
Ympäri heinät niitä ,
Kävele poikki kylän ,
Kuule , kuin kylä kiittäy !
Šolaha järven rantah ,
Kačo , kuin vesi on šilie ,
Kylä še hyvyä antau ,
Istuuvu puulla hil’l’ah .
Kävelet kaupunkie myöten ,
Čerkušta täyvennät uškuo ,
Muissutat muamoni kotie –
Šyväintä puristau tuška .
Jätä šie kaikki hommat ,
Ota ta kyläh myöššy .
Täššä še eläy onni ,
Taššä šie henkie noššat !
Hoitomatoin kylä
Karelian Proper
New written karelian