Texts
Return to list
| edit | delete | Create a new
| history
| Statistics
| ? Help
Valentina Kondratjeva.
Seižoi vuorel kazakku
genre: Lyric work
Source:
Oma mua. № 22, 2021, p. 11
Valentina Kondratjeva
Seižoi vuorel kazakku
Livvi
New written Livvic
Seižoi vuorel kazakku
Jumalale molih
Rahvahale valdaštu
Syväh kumardelih.
Oi-sä, sie oi-sä,
Kuulta minuu voit sa.
Älä ole huoles –
Minä sinun puoles.
Vie häi kyzyi syväimel
Rahvahale praudua,
Roihes praudu tälle mual ‒
Tulou meile valdu.
Oi-sä, sie oi-sä,
Kuulta minuu voit sa.
Älä ole huoles ‒
Minä sinun puoles.
Kyzyi dovariššoih näh
Vierahal mual olles,
Anna mennäh bokači
Ahnah, viha, tora.
Oi-sä, sie oi-sä,
Kuulta minuu voit sa
Älä ole huoles ‒
Minä sinun puoles.
Anna mučoit vuotetah,
Tuatto, muamo, lapset
Tozi pravvan eččii
Valgiel kogo ilmal.
Oi-sä, sie oi-sä,
Kuulta minuu voit sa.
Älä ole huoles ‒
Minä sinun puoles.
Rahvasniškoi kyzeli
Da blahosloven’n’ua,
Stolal oliš leiby, suolu
Joga taloih kylläl.
Oi-sä, sie oi-sä,
Kuulta minuu voit sa.
Älä ole huoles ‒
Minä sinun puoles.
Veri ruskei ei valuš
Omal kodirannal,
Magei kielas eläš ei
Ristittyžien rinnal.
Oi-sä, sie oi-sä,
Kuulta minuu voit sa.
Älä ole huoles ‒
Minä sinun puoles.