Texts

Vanha hukka

September 23, 2021 in 09:40 Нина Шибанова

created the text
created the text: Pitin järvie, poikki mečän Juokšou hukka – ruokua eččiy. Monta päivyä nälkä tuntuu: Eikä rauhua, eikä unta. Eklein jänis läššä istu, Loikki melkein hampahista. Jälki näkyy lunta myöten – Täššä hirvi vietti yötä. Ei hiän hirven kera pärjyä, Pitäis šuurempaini karja. Eipä kaverija kuulu, Višših mäntih toiseh šuuntah. Vanhuš tuli vuottamatta – Voimat männäh, näkö katou. Nuori hukka hänet voitti, Yksinäh nyt elyä koittau. Jälkie myöten ielläh kulkou, Tuntuu haju, iäni kuuluu. Hirvi koivikošša pietty, Murkinoiččou, jälkie jättäy. “Mitä tuli? Ukonjyry? Min mie jumahukšen kuulin? Hirvi lankei lumeh päittöin, Veri kerosešta läikkyy. Tuošša mečäštäjät tullah, Juošša pakoh pitäy miula. Myöhempäh mie myöššyn tänne, Eikö oša ruokua anna.” Tuli ilta – pimie aika, Hukka hiivou šamah paikkah. Kuuluu mečäštäjien haju, Ka še päiväštä on jiänyn. Näki mualla hirven šuolet. Läksi. Oli mitä oli! Šilmä näki tulen viivan, Rupei pakottamah šivun. Ielläh ukonjyry kuulu, Šieltä hukan šurma tuli. Ei še vuottan vähän aikua, Kuni piäšöy poikeš nälkä.