Texts
Return to list
| edit | delete | Create a new
| history
| Statistics
| ? Help
Valentina Libertsova.
Valgiet yöt
genre: Lyric work
Source:
Oma mua. № 31, 2021, p. 11
Valentina Libertsova
Valgiet yöt
Livvi
New written Livvic
Valgiet yöt, gu valgiet linnut, ‒
Uneta, uneta…
Viyhketäh, gu vuvvet mennyöt
Sinuta, sinuta…
Aijat mennyöt, menetynnyöt
Hälylöis, kiirehel –
Vaigu mustot, tallel pannut –
Valgiet yöhyöt sinun kel…
Allot peldokukkuheinih
Lämmin, veres tuuli toi.
Vuvvet nuoret terväh mendih ‒
Liijän terväh, avoi-voi!
Heinän pollen,
Hengen panen
Taivahah
Pilvežäh.
Opin sinuu kirrata
Vienozesti, iänetä…
Valgei yö, gu lindu, lendäy,
Päivy nouzou, uuttu kandau,
Toinah pahois mielis piästäy,
Ielleh eliä vägie andau.