Texts
Return to list
| edit | delete | Create a new
| history
| Statistics
| ? Help
Matin Miikul.
Tuskupajo
genre: Lyric work
Source:
Oma mua. № 34, 2021, p. 11
Matin Miikul
Tuskupajo
Livvi
New written Livvic
Lagiel pellol joven rannal
Kazvoi kolme čomua saduu.
Kui vai ezmäzes saduizes
Linduine pajuo pajattau.
Kui vai toizes saduizes da
Kägöihyt čomasti kukkuu.
Agu kolmandes saduizes
Muaman da poijan kaimavuizet.
‒ Sano sinä, armas poigu,
Kedä on sinul jättiä žiäli?
‒ Žiäli on jättiä omua valdua,
Vie žiälembi on tyttyö čomua.
Vai on minul kaikes žiälin
Omas mamizes erota,
Kudai minuu kazvatti da
Iče äijän huoldu pidi.
Lagiel pellol joven rannal
Kazvoi kolme čomua saduu.
Kui vai ezmäzes saduizes
Linduine pajuo pajattau.