Texts

Myršky

September 23, 2021 in 14:01 Нина Шибанова

created the text
created the text: Järvellä myršky tuli, Veneh pyöriy, kuin laštu. Viimesen laulun jo kuulin, Airot vain ei pitäis piäštyä. Joka puolešta vesi, Ylähyätä ta alta. Nahkan jo valkiekši pesi Kolmaštuhanneš ualto. Tuošša kallivo näkyy, No nyt tämä loppu tuli. Et täštä juokše pakoh, Yllättäy Herra-Tuuli. Yritin ristie šilmijä, Ka airoh on käsi tarttun. Toperiu voimat viimiset Tuulella vielä esittyä. Rinnašta rönky nousi, Hampahat murettih šuušša. Veneh košetta löysi, Piätty, kuin pešä puušša. Uinosin šitä kyytie, Jumala tuli vaštah: “Hyvyä šie olet pyytän. En jätä omua lašta”. Šemmoni oli uni, Koko elämän näytti. Pitäyvyn henkeštä kuni Šyväimen työ ei piäty!