Texts
Return to review | Return to list
Kai vastah tullah
history
September 23, 2021 in 14:53 Нина Шибанова
- created the text
- created the text: Sanotul sanal – elävy vägi Lyhenöy aigu, alenou mägi. Sanazet lämmät autetah kaikil Muailmah jätetäh pehmejii jälgii. Kargies da rutos pöllästyy hengi, Lijastuu ilmu, vilustuu vezi. Lövvytäh pahat tavvit dai mielet – Pahenou syväin, azettuu veri. Hyvä dai paha – eloksen pinnal, Valliče iče – min otat rinnal. Elos on lyhyt – riähky on pitky, Nikelle, nikonzu älä lai itkuu. Azetu, smieti, kačahtai peräh, Egläine sana jo nouzou edeh. Vaikkaine olet vai irvistät-nagrat, Kai tullah vastah – hyvät dai pahat.