Texts
Return to review
| Return to list
ČASTUŠKUA
history
October 19, 2021 in 10:26
Нина Шибанова
- created the text
- created the text: ***
Plieššipiä da hambahitoi
Olin, konzu muamo sai.
Meni aigua vägitukku –
Eule hammastu ni tukkua.
***
Jovvat penziel sorkil potkie,
Sinun elaigu jo loppih.
Kuni ruadoh ribizet,
Sit vie elät kodvazen.
***
Kačo ainos, kunne pollet,
Menöy jalgu kampih.
Sogei önti sinä ollet,
Ota silmy näppih.
***
Laskih illal pilvien tuakse
Taivahazes päiväine.
Meni lesken jalloin keskeh
Brihastanduaigaine.
***
Hyviä emändiä voit eččie
Päiväl, yöl dai hämäris.
Kuriu joga kuziräččin,
Joga toine juomari.
***
Hierus mukkii rahvas pannah,
Elaigaine paranou.
Kaikil tulou perämatku,
Kalmisto vai suurenou.
***
Ei pie sylgie vezikaivoh:
Pädöy, konzu juotattau.
Ei pie neniä kiändiä ruavos,
Konzu sinuu syötättäy.