Texts
Return to list | edit | delete | Create a new | history | Statistics | ? Help
Šeiččimeš piä
Šeiččimeš piä
Karelian Proper
New written Tver
1 Elgiä
toizie pahottakkua , kuin i teidä ei ruvettaisʼ pahottamah .
2 Kuin toizien piällä pagizetta , niin ruvetah pagizomah tiän piällä ; i kumbazella vakalla mittuatta , šillä i teilä mitatah .
3 Midä šie niät okšasʼtʼa toizen šilmäššä , a hirtä omaššaš šilmäššä et kuule ?
4 I kuin šie šanot toizella : Šeizo , ana mie otan šiun šilmäštä okšazen ; a omaššaš on hirži ?
5 Viižaš , ota enžistäh omaštaš šilmästä hirži , i šilloin rubiet nägömäh okšasʼtʼa toizen šilmäštä ottua .
6 Elgiä andakkua pyhie koirilla , elgiägo luokšikkua kallehie tiän kivilöjä šigoila edeh , kuin hyö ei tallattaisʼ hiät omilla jalloila , i kiändiäčehyö , ei revitettäisʼ teidä .
7 Pakokkua , i anduačou teilä ; eččikkiä , i löyvättä ; pyrrikkiä , i avauduu teilä ;
8 Jogohine , ken pakkuou , že ottau , i ken eččiy , že löydäy , i ken pyrgiy , šillä avauduu .
9 I ken on teistä muone , kumbazelda kuin pakkoisʼ oma poiga leibiä , andaisʼ go hiän hänellä kiven ?
10 Ali pakkoisʼ kalua , i andaisʼ go hänellä zmejamavon ?
11 Jo kuin työ , ollešša pahat , mahatta hyviä andua omilla lapšilla , midä enämmäldi tiän taivahalline Tuatto andau hyviä , ket häneldä pakotah .
12 Kaikie , midä teilä tahottau , kuin toizet teilä luajittaisʼ , niin i työ luadikkua heilä ; ka täššä zakona i prorokat .
13 Mängiä ahtahah oveh ; vällä ovi i levie tie šuattau hävitykšeh , i äijät ollah händä myötʼ mänijät .
14 A ahaš ovi i pieni tie šuattau eländäh , i vähä on muozie , ket händä löyvetäh .
15 Vardeiliečekkua valehušprorokoista , kumbazet käyväh tiän luo lammašvuatteisa , a šiämeššä ollah pattiet hukat .
16 Hiän einehistä hiät tiijuššatta . Otetahgo kukonpuušta rybähie i takkiehazešta smokvie ?
17 Niin jogo hyvä puu hyvät einehet kažvattau , a paha puu pahat einehet kažvattau .
18 Ei voi hyvä puu pahoja einehie kažvattua , a paha puu hyvie einehie kažvattua .
19 Jogo puun , kumbane ei kažvata hyvie einehie , leikatah i tuleh luokšitah .
20 Šidä myötʼ hiän einehistä hiät tunnuššatta .
21 Ei jogohine mäne taivaškuningahukšeh , ken pagizou miula : Hospodi , Hospodi . A kumbane niin eläy , kuin tahtou miun tuatto , kumbane on taivahašša .
22 Äijät šanotah miula šinä piänä : Hospodi , Hospodi , emmägo myö šiun nimeh tulovua arvualʼlʼun , i šiun nimellä lemboloja porottannun , i šiun nimellä äijie vägie luadinnun ?
23 I šilloin šanon heilä : Ni mie konža en tiedän teidä ; mängiä pois’ miušta , riähkih kadonuot .
24 Jogohine , ken kuulou näidä miun paginoja , i niin eläy , panen mie hänen yhenmuozekši mielövän miehen kera , kumbane šeizatti oman huonehen kivilöin piällä ;
25 I läksi vihma , i tuldih jovet , i nouštih tuulet , i ših huoneheže vaštauvuttih ; i ei levin , šeizatettu oli kivilöilä .
26 I jogohine , ken kuulou näidä miun paginoja , i ei niin elä , yhenmuozekši panuočou hajuttoman miehen kera , kumbane šeizatti oman huonehen pes es kulla ;
27 I läksi vihma , i tuldih jovet , i nouštih tuulet , i ših huoneheže vaštauvuttih ; i langei , i lieni šuuri hänen leviemine .
28 I kuin loppi Iisus nämä paginat , diivuoliečettih rahvaš hänen opaššandua .
29 Hiän opašti heidä , kuin vallalline , a ei kuin kirjamiehet (i fariseit ).
Šeiččimeš piä
Karelian Proper
New written Tver
8
25
27