Texts
Return to list | edit | delete | Create a new | history | Statistics | ? Help
Kymmeneš piä
Kymmeneš piä
Karelian Proper
New written Tver
1 I
kučču hiän kakšitoistakymmendä omat opaššettavat , i ando heilä vallan pahalazien piällä , ajua heidä , i jogo taudie i jogo kibuo porottua .
2 Kahellatoistakymmenellä apostoloila nämä ollah nimet : enžimäne Simona , toizin Pedri , da velli hänen Ondrei ,
3 Zevedein Juakova da hänen velli Iivana , Hilippä da Varfolomei , Foma da Matvei mitari , Alfein Juakova da Levvei , toizin Faddei ,
4 Simona Kananitta da Iskariotašta Iuda , kumbane i ando hänen muokkih .
5 Nämä kakšitoistakymmendä työndi Iisus , i niin heilä vakušti : Elgiä aštukkua vierottomien muah , i elgiä mängiä Samarijan linnah ;
6 A mängiä parembi Izruajelin kojin hävinnyzien lambahien luo .
7 Kävelleššä niin šanelgua : Läheni taivaškuningahuš .
8 Läzijie tervehyttäkkiä , kibeydynyzie parendakkua , kuolluzie virrottakkua , lemboloja porottakkua ; nimistä šyin ottija , nimistä šyin andakkua .
9 Elgiägo kuldua , elgiägo hobieda , elgiägo vaškie ottakkua omih sizälilöih ;
10 Elgiägo šyömistä matkah , elgiägo kahta vuattieda , elgiägo jallaččiloja , elgiägo šauvua . Luadijalla makšetah hänen palkan .
11 Kuin mänettä kuh linnah , kylähgo , tiijuštakkua , ken šielä šidä makšau , i šiinä olgua , kuni että lähe .
12 Mändyö taloh , niin pidäkkiä tervehyttä : Šovindo tällä talolla .
13 I kuin talo šidä makšau , tiän tervehyš tulou häneh ; a kuin ei rubie makšamah , tiän tervehyš tiän luo myöštiäčöy .
14 I ken teidä ei ottane i ei kuundelenne tiän paginoja , lähtiessä šiidä talošta , linnaštago , puistakkua revut tiän jalloista .
15 Aminʼ šanon teilä : Hoivembi liey Sodoman i Gomoran mualla , toizella ilmalla , a ei kuin šillä linnalla .
16 Ka mie työnnän teidä kuin lambahie hukkien keškeh : olgua työ mielövät kuin zmejamado , i puhtahat kuin gul’uzet .
17 Vardeiliečekkua inehmizistä : šuatetah teidä suimuloih i rahvahašša lienettä lyödy ,
18 I vanhembien , i kuningahien edeh miun täh šuatetut lienettä , tiedävökši heilä i vierottomilla .
19 Konža šuatetah teidä , elgiä huoluštaliečekkua kuin i midä rubietta pagizomah ; anduačou teilä šinä kodvana , midä paissa ;
20 Että työ liene pagizijat , a tiän Tuaton Hengi rubieu teisä pagizomah .
21 Andau velli vellen šurmalla , i izä poijan ; i poijat noššetah kiät izien i emien piällä i hiät tapetah .
22 I kaikilla tiellä lienettä miun nimen täh ; ken piäh šua tirpau , že šäilyy .
23 A konža teidä yheššä linnašša ajetah , puakkua toizeh . Amin’ šanon teilä : Ei šua kaikkie Izruajelin linnoja kävellä , kuni inehmizen Poiga tulou .
24 Eule opaššettava šuurembi opaštajua , eigo herrua hänen inehmine .
25 Kylläldi opaššettavalla , kuin hiän lienöy opaštajan muone , i inehmizellä , kuin hänen herra . Kuin kojin izändiä šanottih pahalazien vanhemmakši , že midä enämmäldi hänen kodilazie ?
26 Elgiä varakkua žentäh heidä : nimi eu niin peitošša , kumbane ei ožuttuačis’ , i tiedömättä , kummas’t’a ei tiijuššettais’ .
27 Min mie teilä šanon pimieššä , šanokkua valgiella ; i midä korvih čuhutan , šanelgua katokšilda .
28 I elgiä varakkua hibien tappajie , kumbazet ei voija hengie tappua ; a varakkua kaikkieh enämmäldi , ken hengen i hibien tappua voit gejennašša .
29 Eigo vain groššua makšeta kakši čirkus’t’a ? I yksi heistä ei langie mualla tiän Tuatotta .
30 A tiän i tukat piäššä kaikki ollah lugiettu .
31 Elgiä žentäh varakkua : äijie linduzie työ paremmat oletta .
32 Jogohine , ken milma tunnuštau inehmizien aigana , tunnuššan händäh i mie miun Tuaton aigana , kumbane on taivahašša ;
33 A ken periäčöy miušta inehmizien aigana , periäčen häneštä i mie miun Tuaton aigana , kumbane on taivahašša .
34 Elgiä pidäkkiä mieleššä , mie tulin muailmalla andamah šovinduo ; en tullun andamah šovinduo , a keihiä .
35 Tulin erottamah poigua izäštäh , i tytärdä emäštä , i min’n’ua muatkošta .
36 I vihazniekat inehmizellä omat kodilazet .
37 Ken šuvaččou tuattuoh , muamuohgo enämmäldi milma , miun omana ei voi olla ; i ken šuvaččou poigua , tytärdägo enämmäldi milma , miun omana ei voi olla .
38 I ken ei ota omua ristie i miula jällesti ei mäne , miun omana ei voi olla .
39 Oman hengen äbäzöiččijä hävittäy hänen ; a ken hävittäy oman hengen miun täh , löydäy hänen .
40 Ken teidä ottau , milma ottau ; i ken milma ottau , ottau miun työndäjiä .
41 Ken ottau prorokkua prorokan nimeh , šillä liey prorokan palka ; i ken ottau Jumalan varajian Jumalan varajijan nimeh , šillä liey Jumalan varajijan palka .
42 I ken andanou juuva mal’l’an viluo vettä yhellä näistä pienistä , vain opaššettavan nimeh , aminʼ šanon teilä , ei hävitä omua palkua .
Kymmeneš piä
Karelian Proper
New written Tver
3
4
6
10
18
20
33