Texts
Return to list | edit | delete | Create a new | history | Statistics | ? Help
Viiještoistakymmeneš piä (Viiještoista piä)
Viiještoistakymmeneš piä (Viiještoista piä)
Karelian Proper
New written Tver
1 Šilloin
tuldih Šyndyruohtinan luo Ijerusaliman linnan kirjamiehet i fariseit i paistih :
2 Mintäh šiun opaššettavat ei kuunnella vanhan rahvahan opaššandua ? Ei peššä omie käzie iellä šyömistä .
3 Hiän vaštah šano heilä : Mintäh i työ että kuundele Jumalan käššendiä tiän opaššannan täh ?
4 Jumala käški : Hyvitä tuattuoš i muamuoš ; i ken haukkuu tuattuoh , muamuohgo , šurmalla ana kuolou .
5 A työ pagizetta : Ken šanonnou tuatolla , muamollago : Lahja on , mi miušta šiula pidäy ,
6 I ei hyvittäis’ tuattuo i muamuo ; i teilä ni mikseh on tiän opaššandua myöt’ Jumalan käššendä .
7 Viižahat , hyvin teih näh ieldä päin šano Isaija prorokka :
8 Lähendiäčetäh miun luo nämä inehmizet omalla šuulla , i kielellä milma hyvitetäh ; a šiämi hiän edähänä on miušta ;
9 Tyhjäh hyvitetäh milma , opaštuis’s’a inehmizien opaššandah i tabah .
10 I kuččuhuo rahvahan , šano heilä : Kuulgua :
11 Ei že paganoita inehmistä , mi šuuh mänöy ; a mi šuušta lähtöy , že inehmistä paganoittau .
12 Šilloin lähendiäčehyö , hänen opaššettavat šanottih hänellä : Etgo šie tiijä , fariseit , kuuluštahuo paginan , pahakši šilma pannah ?
13 A hiän vaštah šano : Jogo sadu , kumbazen ei issuttan miun taivahalline Tuatto , häviey .
14 Hylläkkiä heidä , šuattajat hyö ollah šogiet šogeila ; a kuin šogie šogieda šuattelou , molemmat haudah langetah .
15 I šano hänellä Pedri : Šano meilä tämä arvauttamine .
16 A Iisus šano heilä : Vielägo i työ mielettä oletta ?
17 Ettägo jo malta šidä , mi šuuh ottuačou , vaččah šijottuačou i pois’ lähtöy ?
18 A mi lähtöy šuušta , šiämeldä lähtöy ; i že paganoittau inehmistä .
19 Šiämeldä lähtietäh pahat mielet , tappamine , huigiet aziet naizinehmizien kera , varraštamine , valehušpaginat , haukkumizet .
20 Nämä kaikki paganoijah inehmistä ; a pežömättömillä käzillä šyyvä , ei paganoita inehmistä .
21 I lähtehyö šieldä , Iisus mäni Tiiran i Sidonan randah .
22 I ka Hananejan naine , niistä paikoista tulduo , niin hänellä mögähti : Ole hellä milma vaš , Gospodi , Davidan poiga , miun tytärdä äijäldi pahalane piekšäy .
23 A hiän vaštah šanua hänellä ei šanon . I lähendiäčehyö , hänen opaššettavat ruguoliečettih hänellä , paissešša : Lašše händä , meilä jällesti hiän mögizöy .
24 A hiän vaštah šano : En ole työnnetty , a vain Izruajelin kojin hävinnyzien lambahien luo .
25 A naine , tulduo , kumarduačih hänellä paissešša : Gospodi , auta miula .
26 I hiän vaštah šano : Ei hyvä kiskuo leibiä poijilda i luuva koirilla .
27 A naine šano : Niin Gospodi , da i koirat keriälläh muruzie kirvonnuzie izändien šyömizistä .
28 Šilloin vaštah šano hänellä Iisus : Naine , šuuri šiun uššonda ; ana liey šiula , kuin tahot . I šiidä šua tervehty hänen tytär՚ .
29 I lähtehyö šieldä , Iisus tuli Galilejan merellä , i nouštuo goralla , istuih šielä .
30 I tuli hänen luo äijä rahvašta , rambojen , šogeijen , mykkien i toizien äijien voimattomien kera , i pandih hänellä jalgoih ; i hiät tervehytti .
31 Äššen rahvaš diivuolih , näheššä mykkie pagizomašša , voimattomie tervehenä , rambojie kävelömäššä i šogeida nägömäššä ; i kiitettih Izruajelin Jumalua .
32 I kučču Iisus omat opaššettavat , šano heilä : Hellä olen tädä rahvašta vaš , jo kolme päiviä miun luona issutah , i eule midä šyyvä ; i laškie heidä šyömättä en taho , kuin ei vaivuttais’ matašša .
33 I šanottih hänellä hänen opaššettavat : Mistä meilä tyhjäššä paikašša ottua žen verda leibiä , kylläššyttiä žen verda rahvašta ?
34 I šano heilä Iisus : Min verda on teilä leibiä ? A hyö šanottih : Šeiččimen möykkyö i vähä kalua .
35 I käški rahvahalla mualla istuočie .
36 I ottahuo šeiččimen möykkyö i kalat , i kiittähyö Jumalua katko , i ando omilla opaššettavilla , a opaššettavat rahvahalla .
37 I kaikin šyödih i kylläššyttih ; i otettih jiännöšpaloja šeiččimen täyttä vakkua .
38 A šyöjie oli nellä tuhattua mieštä , ilmain naizitta i lapšitta .
39 I laškehuo rahvahan , mäni veneheže , i tuli Magdalinan paikkoih .
Viiještoistakymmeneš piä (Viiještoista piä)
Karelian Proper
New written Tver
2
6
8
9
11