Texts
Return to list | edit | delete | Create a new | history | Statistics | ? Help
Kuuveštoistakymmeneš piä (Kuuveštoista piä)
Kuuveštoistakymmeneš piä (Kuuveštoista piä)
Karelian Proper
New written Tver
1 I
tuldih hänen luo fariseit da saddukeit , muanittamizeh ruguoliečettih hanellä , ožuttua heilä taivahašta ožutandua .
2 A hiän vaštah heilä šano : Illalla , pagizetta , pouda , ruššottau taivaš .
3 I huomenekšella : Nyt talvi , ruššottau pilveššäh taivaš .
Viižahat , naheššä taivašta mahatta arvualʼlʼa , a aigoin muutteida että voi kekšie ?
4 Paha rodukunda i huigeih azeih šegonut ožutandua eččiy ; i ožutandua heilä ei liene , vain Ionan prorokan ožutanda .
I jättähyö hiät , pois’ läksi .
5 I mändyö hänen opaššettavat toizella puolella , unohettih ottua leibiä .
6 A Iisus šano heilä : Kaččokkua i vardeiliečekkua farisejoin da saddukejoin muijotukšešta .
7 I hyö mieleššä piettih : Leibiä emmä ottan .
8 Tiijuštahuo , Iisus šano heilä : Midä työ piettä mieleššä tädä , vähävierollizet , että ottan leibiä ?
9 Vielägo työ että malta i että muissa , viittä möykkyö tuli viijellä tuhannella , i min verda ottija vakkua ?
10 I eigo tullun šeičendä möykkyö nellällä tuhannella , i min verda ottija vakkua ?
11 Kuin työ että malta , mie en leivän täh šanoin teilä olla huolešša : a farisejoin da saddukejoin muijotukšešta ?
12 Šilloin tiijuššettih , hiän ei šanon vardeiliečie leivän muijotukšešta , a farisejoin da saddukejoin opaššannašta .
13 Tulduo Iisus Hilipän Kesarijan paikkoih , kyžy omilda opaššettavilda : Kekši milma inehmizet lugietah inehmizen Poigua ?
14 I hyö šanottih : Muuvennet rissittäjäkši Iivanakši , muuvennet Il’l’akši , muuvennet Ijeremeiksi , i toizekši mittyökši ni olgah prorokakši .
15 Iisus šano heilä : A työ kekši milma šanotta olla ?
16 I šano hänellä vaštah Simona Pedri : Šie olet Hristos , elävän Jumalan poiga .
17 I vaštah šano hänellä Iisus : Ožakaš šie olet Simona var Iona (poiga Ionan ), šiula ei hibie i veri ožuttan , a miun Tuatto , kumbane taivahašša .
18 I mie šiula šanon : Šie olet Pedri , i tällä kivellä šeizatan mie oman kirikön , i uavun ovet ei voiteta händä .
19 I annan šiula taivaškuningahašta avuamet ; i min šie šivonnet mualla , liey šivottu taivahašša ; i min kerittännet mualla , liey keritetty taivahašša .
20 Šilloin kieldi Iisus omie opaššettavie , kuin ei šanottais’ kellä , tämä on Iisus Hristos .
21 Šiidä šuat rubei Iisus šanelomah omilla opaššettavilla , pidäy hanellä männä Ijerusalimah , i äijä tirpua vanhemmista , i arhereiloista , i kirjamiehistä , i tapettuna olla , i kolmandena päivänä virrota .
22 I rubei Pedri händä pagizomašta piettämäh , i šano : Hyvätabane šie olet , Gospodi , ei liene tädä šiula !
23 I hiän , kiändiäčehyö , šano Pedrillä : Aššu miula jällesti , sotona , häkkynä olet miula , et toimita , mi on Jumalan , a mi inehmizien .
24 Šilloin Iisus šano omilla opaššettavilla : Ken tahtonnou miun jällesti männä , ana periäčöy ičeštäh , i ottau oman rissin , i miun jällesti mänöy ;
25 Ken tahtonnou šäilyttiä omua hengie , hävittäy hänen ; i ken hävittännöy oman hengen miun täh , šäilyttäy hänen .
26 Mi hyviä inehmizellä , kuin šuannou i kaiken muailman , a hengen oman hävittäy ?
I mih voit inehmine vaihtua oma hengi ?
27 Tulou inehmizen Poiga oman Tuaton kaunehuošša omien Angelilojen kera , i šilloin jogohizella makšau azeida myöt’ .
28 Amin’ šanon teilä : Ollah muuvennet šeizojista tiälä , kumbazet ei nähä šurmua , kuni nähäh inehmizen Poigua tulemašša omaššah kuningahuošša .
Kuuveštoistakymmeneš piä (Kuuveštoista piä)
Karelian Proper
New written Tver
25