Texts
Return to list | edit | delete | Create a new | history | Statistics | ? Help
Kahekšaštoistakymmeneš piä (Kahekšaštoista piä)
Kahekšaštoistakymmeneš piä (Kahekšaštoista piä)
Karelian Proper
New written Tver
1 Ših
aigah lähendiäčettih opaššettavat Šyndyruohtinan luo i paistih : Ken on šuurembi taivaškuningahuošša ?
2 I kuččuhuo Iisus lapšen , šeizatti hänen hiän keškeh .
3 I šano : Amin’ šanon teilä , kuin että kohene , i että liene kuin lapšet , että mäne taivaškuningahuoh .
4 Ken tyy nistyy kuin tämä lapši , že on šuurembi taivaškuningahuošša .
5 I ken kuin ottau lapšen muozen miun nimeh , milma ottau ;
6 A ken kuin rikkou yhen näistä pienistä miuh uškojista , parembi on hänellä , ana jauhokiven šivottais’ kaglah , i uppois’ merenpohjalla .
7 Paha muailmalla pahah šuattamizešta , a pahah šuattamizetta ei voi olla ; i avoi kehno šillä inehmizellä , kenen tuačči pahah männäh .
8 Kuin šiun käzi , jalgago šiun pahah šuattau šilma , leikkua hiät i luo ičeštäš : parembi šiula on männä eländäh rambana i kiätöinä , a ei kuin kahen jallan kera i kahen kiän kera olla luoduna iinigäzeh tuleh .
9 I kuin šiun šilmä pahah šilma šuattau , kaiva pois’ i luo ičeštäš : äijiä parembi on yhen šilmän kera männä eländäh , mi kahen šilmän kera olla luoduna tulizeh gejennah .
10 Vardeiliečekkiä , elgiä pengokkua ni yhtä näistä pienistä ; šanon mie teilä : Hiän Angelit taivahašša aino nähäh miun taivahallis’t’a Tuattuo .
11 Tuli inehmizen Poiga löydämäh i šäilyttämäh hävinnyttä .
12 Kuin työ piettä mieleššä ? Kuin kumbazella inehmizellä liey šada lammašta , i yksi heistä yökšyy ; eigo jätä yhekšänkymmendä i yhekšän gorilla i mäne eččimäh yökšynyttä ?
13 I kuin löydänöy hänen , amin’ šanon teilä , ihašteliečou hänen täh enämmäldi , mi yhekšänkymmenen i yhekšän täh , kumbazet ei yökšytty .
14 Niin ei himota tiän Taivaštuatolla hävittiä yhtä näistä pienistä .
15 Kuin viärä šiun iellä on toine , mäne šano hänellä kahenkeškie : kuin kuunnellou šilma , šie šait toizen ;
16 Kuin šilma ei kuunnelle , ota iččeš kera yhen miehen ali kakši , ana kahen ali kolmen nägijän šanalla jogo šana lujenduačou .
17 A kuin ei kuunnelle heidä , šano kirikkökunnalla ; a kuin i kirikkökundua ei kuunnelle , olgah šiula kuin vierotoin i mitari .
18 Amin’ šanon teilä : Min työ šivonnetta mualla , liey šivottu taivahašša ; i min kerittännettä mualla , liey keritetty taivahašša .
19 Vielä , amin’ šanon teilä , kuin kahen teistä tahonnetta midä luadie , i pakonnetta , liey teilä miun Tuatošta , kumbane on taivahašša .
20 Missä oletta kahen , kolmengo keräydynyöt miun nimeh , šielä i mie olen keššellä heidä .
21 Šilloin , lähendiäčehyö , Pedri šano hänellä : Gospodi , min kerdua miun iellä kuin on toine viärä , i laššengo mie hänellä šeiččimeh kerdah šua ?
22 Šano hänellä Iisus : En šano šiula šeiččimeh kerdah šua , a šeiččimehkymmeneh kerdah šua šeiččimičči .
23 Žentäh taivaškuningahuš on kuin kuningamieš , kumbane tahto lugiečie omien inehmizien kera .
24 Kuin rubei lugiečomah , tuodih hänen luo yhen velganiekan kymmenellä tuhannella talantua .
25 Kuin ei ollun hänellä millä makšua , käški Herra hänen myy vä , i hänen naizen , i lapšet , i kaikki , mi oli hänellä , i makšua .
26 Langei že inehmine jalgoih i ruguolih hänellä : Herra , välitä milma , i kaikki šiula makšan .
27 Hyväkši heittih šidä inehmistä vaš Herra , laški hänen , i vellan hänellä jätti .
28 Lähtehyö , že inehmine vaššaudu toizen kera , kumbane oli hänellä velganiekka šualla hobiezella , i tappamizeh rubei häneštä pakkuomah : Makša miula , millä olet miula vellašša .
29 Langei velganiekka hänellä jalgoih , ruguolih hänellä : Välitä milma , i kaikki šiula makšan .
30 A hiän ei tahton , i šuatto i pani hänen raudoih , kuni makšau vellan .
31 Nähtyö toizet inehmizet tämän , helläkši heittiäčettih , i mändyö , šanottih omalla Herralla kaikki , mi oli .
32 Šilloin kuččuhuo hänen Herra ičen edeh , šano hänellä : Paha inehmine , kaiken vellan jätin šiula , žentäh äijäldi ruguoliečit ;
33 Eigo pidällyn i šiula hyväkši heittiäčie šiun velganiekan täh , kuin mie šiun täh ?
34 I šiändy hänen piällä Herra , i ando hänen muokkuajilla , kuni makšau kaiken oman vellan .
35 Niin i miun taivahalline Tuatto luadiu teilä , kuin että jätä toine toizella omalda šiämeldä hiän viärykšie .
Kahekšaštoistakymmeneš piä (Kahekšaštoista piä)
Karelian Proper
New written Tver
6
16
33