Texts
Return to list | edit | delete | Create a new | history | Statistics | ? Help
Kakšikymmeneš piä (Kaheškymmeneš piä)
Kakšikymmeneš piä (Kaheškymmeneš piä)
Karelian Proper
New written Tver
1 Taivaškunungahuš on
kuin huolova izändä , kumbane päiväzen noužuolla läksi palkuamah palkalazie omah saduh .
2 I luadihuo hiän kera hinnan grivnoin päiväkši , työndi omah saduh .
3 Läksi hiän kolmandena päivän kodvana , nägi toizie šilläh pihalla šeizomašša ,
4 I niilä šano : Mängiä i työ miun saduh , i midä rubietta makšamah , annan teilä . I hyö lähteih .
5 Vielä läksi kuuvendena i yhekšändenä kodvana , niin že luadi .
6 Läksi hiän yksitoistakymmendenä kodvana , piävytti toizie šilläh šeizomašša , i šano heilä : Midä työ tiälä šeizotta kaiken päivän šilläh ?
7 Hyö šanottih hänellä : Niken meidä ei palkan . Hiän šano heilä : Mängiä i työ miun saduh , i midä rubietta makšamah , otatta .
8 Illalla šano savun izändä omalla savunkaččojalla : Kuču palkalazet i makša heilä palka , alguh jälgimäzillä , šiidä enžimäzillä .
9 I kumbazet tuldih yksitoistakymmendenä kodvana , otettih grivnoin .
10 Tuldih i enžimäzet i piettih mieleššä , enämmän otetah ; otettih i ne grivnoin .
11 Ottahuo , buristih izännän piällä
12 I paistih : Nämä jälgimäzet yhen kodvan luajittih , i hiät yhenmuozekši panit miän kera , kumbazet tirpimä päivän vaivan i ägien .
13 A hiän vaštah šano yhellä heistä : Velli , en vuarra šilma ; etgo grivnašta miun kera palkuačen ?
14 Ota omaš palka i mäne ; a mie tahon i tällä jälgimäzellä andua , kuin i šiula .
15 Ali ei šovi miula pidiä kuin tahon omua eluo ? Žentähgo šiun šilmä on täydymätöin , kuin mie olen rakaš ?
16 Niin lietäh jälgimäzet enžimäzinä , a enžimäzet jälgimäzinä ; äijät ollah kučutut , a vähä on vallittuo .
17 I kuin läksi Iisus Ijerusalimah , otti yhet kakšitoistakymmendä opaššettavat matkah i šano heilä :
18 Ka mänemmä Ijerusalimah , i inehmizen Poiga annettu liey arhereiloilla i kirjamiehillä ; i šurmalla hänen viäritetäh ;
19 I annetah hänen vierottomilla nagrokši i lyödäväkši i riputettavakši ; i kolmandena päivänä virguou .
20 Šilloin tuli hänen luo Zevedein poijien muamo omien poijien kera , i kumarduačehuo midä-liey pakkoi häneldä .
21 Hiän šano hänellä : Midä šiula tahottau ? Hiän šano : Toivota , ana nämä molemmat miun poijat istuočetah yksi oigiella puolella šilma , i toine važamella šiun kuningahuošša .
22 Vaštah šano hänellä Iisus : Että tiijä , midä pakkuotta ; voitago juuva mal’l’an , kumbazen mie juon , i rissittiäčennällä , kumbazella mie rissittiäčen , rissittiäčie ? Hyö šanottih : Voima .
23 I šano heilä : Miun mal’l’an juotta , i rissittiäčennällä , kumbazella mie rissittiäčen , rissittiäčettä ; a istuočie oigiella puolella milma i važamella , eu miun andamine , a kellä on varuššettu miun Tuatošta .
24 I kuuluštahuo , kymmenen pahottaliečettih molembien vellekšien piällä .
25 A Iisus , kuččuhuo heidä , šano : Tiijättä työ , vierottomien vanhemmat ollah hiän piällä vallallizet , i šuuret pietäh heidä .
26 Ei niin liene teisä : a ken tahtonnou teisä olla vanhembana , ana liey teilä pienembänä ;
27 I ken tahtonou teisä olla enžimäzenä , olgah teilä nuorembana ;
28 Kuin i inehmizen Poiga ei tullun , ana händä kuunnellah , a kuundelomah i andua oman hengen äijien piäžennän täh .
29 I kuin läksi Ijerihonašta , hänellä jälles ti aštu äijä rahvašta .
30 I ka kakši šogieda issuttih tiedä vaš , i kuuluštahuo , Iisus šiiričči aštuu , mögähettih hänellä : Ole hellä meidä vaš , Gospodi , Davidan Poiga .
31 A rahvaš keillettih heidä mögizömäštä ; a hyö enämmäldi möistih : Ole hellä meidä vaš , Gospodi , Davidan Poiga !
32 I šeizauduhuo , Iisus kučču hiät i šano : Midä tahotta , kuin mie teilä luadizin ?
33 Hyö šanottih hänellä : Gospodi , ana avauvutah miän šilmät .
34 Hellä oli heidä vaš Iisus , koššahutti hiän šilmie ; i šidä kerdua ruvettih nägömäh hiän šilmät , i lähteih hyö hänellä jällesti .
Kakšikymmeneš piä (Kaheškymmeneš piä)
Karelian Proper
New written Tver
4
12
18
19
27
28