Texts
Return to list | edit | delete | Create a new | history | Statistics | ? Help
Kolmattakymmendä enžimäne piä (Kaheškymmenešenžimäne piä)
Kolmattakymmendä enžimäne piä (Kaheškymmenešenžimäne piä)
Karelian Proper
New written Tver
1 I
kuin tuldih Ijerusaliman läššä , i mändih Vifsfagijah Eleona-goran luo , šilloin työndi Iisus kahta opaššettavua ,
2 I šano heilä : Mängiä kyläh , kumbane on tiän kohašša ; i šielä löyvättä šivotun oslan i šälgy hänen kera ; kerittähyö , tuogua miun luo .
3 I kuin ken teilä min šanonnou , šanokkua ; Herralla heidä pidäy ; i terväh hiät työndäy .
4 Tämä kaikki oli , ana liey prorokan šanalla , kuin hiän šano :
5 Šanokkua Sionan tyttärellä : Ka šiun Kuningaš tulou šiun luo tyyni , istuu oslalla i hänen šällyllä .
6 Opaššettavat mändih i luajittih kuin käški heilä Iisus :
7 Tuodih oslan i šällyn i pandih hiän piällä omat vuattiet , i istuih hiän piällä .
8 Ylen äijä rahvašta leviteldih tiedä myöt’ omat vuattiet , a toizet leikattih puuloista okšazie i pirotettih tiedä myöt’ .
9 A rahvaš ieldä päin i jälleldä aštujat möistih paissešša : Osanna Davidan Poijalla , hyvin paistu olet tulija Jumalan nimeššä ; osanna ylizissä .
10 I kuin mäni hiän Ijerusalimah , kaikki linna yleni i paistih : Ken on tämä ?
11 A rahvaš paistih : Tämä on Iisus Galilejan Nazarietašta prorokka .
12 I mäni Iisus Jumalan kirikköh i ajo kaikki myöjät i kaupiččijat kiriköššä , i kaupiččijien i gul’uzien myöjien iss undašijat levitti ,
13 I pagizi heilä : Kirjutettu on : Miun kodi malittukojiksi nimittiäčöy ; a työ luadija häneštä razboiniekojen majan .
14 I tuldih hänen luo kiriköššä rammat i šogiet , i hiät tervehytti .
15 Nähtyö arhereit i kirjamiehet kummie , kumbazie hiän luadi , i lapšie kiriköššä mögizömäššä i pagizomašša : Osanna Davidan Poijalla ; ajattaliečettih hänen piällä
16 I šanottih hänellä : Kuuletgo , midä nämä paissah ? Iisus šano heilä : Niin , ettägo työ konža lugen : Lapšien i imijien šuušta luajit kiitännän ?
17 I hyllättyö hiät , läksi pois’ linnašta Vifanijah , i šielä šeizattih elämäh .
18 Huomenekšella järelläh läksi linnah , i nälläšty :
19 I kuin nägi hiän yhen smokouniččapuun tiedä vaš , tuli hänen luo , i nimidä häneššä ei löydän , vain yhet lehet ; i šano hänellä : Ana igäh šiušta nikonža ei liene eineštä . I šidä kerdua kuivi smokouniččapuu .
20 I nähtyö , opaššettavat diivuoliečettih : Kuin terväh kuivi smokouniččapuu ?
21 Vaštah šano heilä Iisus : Amin’ šanon teilä : Kuin on teisä viero i uškonetta , ei mi tämän , mi on smokouniččapuulla , luajitta ; da i kuin i goralla tällä šanonetta : Liikaha i luottuače mereh ; niin i lienöy ;
22 I kaikki , midä pakkuonnetta malitušša , uškuos’s’a , liey teilä .
23 I kuin mäni hiän kirikköh i rubei opaštamah , lähendiäčettih hänen luo arhereit i rahvahan vanhemmat i šanottih : Midä myöt’ šie tädä luajit ? I ken šiula ando muozen vallan ?
24 Vaštah šano heilä Iisus : Kyžyn i mie teistä yhtä paginua , kumbazen kuin šanotta , šanon i mie teilä , kuda valdua myöt’ tädä luajin .
25 Iivanan rissitändä mistä oli : taivahaštago , ali inehmizistä ? A hyö mieleššä niin piettih : Kuin šanomma : Taivahašta , šanou meilä : Nin mintäh että uškon hänellä ?
26 A kuin šanomma : Inehmizistä , varajamma rahvašta , kaikin Iivanua pietäh prorokkana .
27 I vaštah šanottih Šyndyruohtinalla : Emmä tiijä . I hiän šano heilä : Niin i mie en šano teilä , kenen valdua myöt’ tädä luajin .
28 Kuin työ šanotta ? Yhellä miehellä oli kakši poigua ; i tulduo enžimäzen luo , šano : Poiga , mäne nyt luaji miun savušša .
29 A hiän vaštah šano : En taho ; jälgeh tuli hänellä pahamielešti , i läksi .
30 I tulduo toizen luo , niin že šano . Že vaštah šano : Mie , tuatto , lähen ; i ei lähten .
31 Kumbane molemmista luadi izän mieleh ? Hyö šanottih : Enžimäne .Šano heilä Iisus : Amin’ šanon teilä , mitarit i huigeih azeih šegonuot ieldä päin teidä ollah taivaškuningahuošša .
32 Tuli tiän luo rissittäjä Iivana oigieda tiedä myöt’ , i työ että uškon hänellä , a mitarit i huigeih azeih šegonuot uššottih hänellä ; a työ , nähtyö , että tahton jälgiperillä uškuo hänellä .
33 Toista arvauttamis’t’a kuulgua . Yksi huolova izändä issutti savun , i lujah hänen aijotti , i kaivo häneh vuuvannan , i šeizatti paččahan , i ando kaikki savunkaččojilla , i pois’ läksi .
34 Konža tuli aiga kerätä einehie , työndi omie inehmizie savunkaččojien luo , ottua hänen einehet .
35 I savunkaččojat , šidohuo hänen inehmizie , kummas’t’a lyödih , kumbazen tapettih , a kummas’t’a kivilöilä tapettih .
36 Vielä hiän työndi toizie inehmizie enämmän enžimäzie ; i niillä niin že luajittih .
37 A jälgiperillä hiän luo työndi oman poijan i pidi mieleššä : Huijuštuačetah miun poigua .
38 A savunkaččojat , nähtyö poigua , keškenäh paistih : Tällä jiäy kaikki elo ; aštukkua , tapamma hänen i otamma hänen eländehen .
39 I šivuttuo , pois’ savušta otettih hänen i tapettih .
40 I konža tulou savun izändä , min luadiu niillä savunkaččojilla ?
41 Hyö šanottih hänellä : Pahat šurmalla hävittäy ; i savun andau toizilla kaččojilla , kumbazet i annetah hänellä einehet aijalla .
42 Šano heilä Iisus : Ettägo työ konža lugen kirjoisa : Kivi , kummas’t’a pengottih ladjuajat , že tuli šamalon piänökši . Jumalašta tuli tämä , i on kummana tiän šilmissä .
43 Tämän täh šanon teilä : Kiskuočou teildä Jumalan kuningahuš , i anduačou rahvahalla , kumbane niin eläy .
44 I ken langieu tämän kiven piällä , murenou ; a kenen piällä langieu , že mädženöy .
45 I kuulduo arhereit i farise it hänen arvauttamizie , kekšittih , heih näh pagizou ,
46 I ečittih händä ottua , da varattih rahvašta , rahvaš pidi händä prorokkana .
Kolmattakymmendä enžimäne piä (Kaheškymmenešenžimäne piä)
Karelian Proper
New written Tver
2
5
7
13
16
19
22
46