Texts

Return to review | Return to list

Kolmattakymmendä kahekšaš piä (Kaheškymmeneškahekšaš piä)

history

November 30, 2021 in 14:59 Нина Шибанова

• changed the title
  from MATVEISTA SVʼATOI JOVANGELI. Kolmattakymmendä kahekšaš piä (Kaheškymmeneškahekšaš piä)
  to Kolmattakymmendä kahekšaš piä (Kaheškymmeneškahekšaš piä)
• created the comments of the source: MATVEISTA SVʼATOI JOVANGELI

November 18, 2021 in 14:09 Нина Шибанова

• created the text
• created the text: ¹ Šuovatan illan jälgeh, kuin rubei valguomah enžimänä päivänä Šuovatoista, tuli Magdalina Muarie da toine Muarie kalmua kaččomah. ² I ka lieni šuuri muan šäräjämine: Jumalan Angeli tuli taivahašta, i tulduo, lykkäi kiven kalman šuušta i istu hänen piällä. ³ Hänen nägö oli kuin tulen räisky, i vuattie hänen kuin lumi. ⁴ Pölläštyhyö händä, šärey vyttih vardeiččijat i oldih kuin kuoliet. ⁵ I Angeli šano naizilla: Elgiä työ varakkua, tiijän mie, Iisussua riputettuo ečittä. ⁶ Eule tiälä, nouži, kuin šano; tulgua kaččokkua šijua, missä veny Gospod’. ⁷ I terväh mängiä, šanokkua hänen opaššettavilla, jotto nouži kuoleista i ka ennättäy teidä Galilejašša: šielä händä niättä; ka mie šanoin teilä. ⁸ I rutoldi lähtehyö hyö kalman luoda, varaten i äijäldi ihaštunuona kiirehettih šanomah hänen opaššettavilla. ⁹ I kuin aššuttih šanomah hänen opaššettavilla, i ka Iisus vaštah tuli heilä paissešša: Terveh. I hyö, lähendiäčehyö, kabuttih hänen jallat i kumarduačettih hänellä. ¹⁰ Šilloin šano heilä Iisus: Elgiä varakkua; mängiä, šanokkua miun velekšillä, ana männäh Galilejah, i šielä milma nähäh. ¹¹ Kuin hyö aššuttih, ka muuvennet vardeiččijista, tulduo linnah, šanottih arhereiloila kaikki, mi oli. ¹² I hyö, keräydyhyö vanhembien kera, keškenäh pandih andua salduatoila vägiäijän hobiezie, ¹³ I paistih: Šanokkua, jotto hänen opaššettavat, tulduo yöllä miän magavoaigana, hänen viedih. ¹⁴ I kuin kuuluštanou tämän vanhin, myö hänen löyvämmä i tiät huoletta luajimma. ¹⁵ A hyö, ottahuo hobiezet, luajittih niin, kuin heilä neuvottih. I kuuluvilla lieni tämä pagina Iudejoisa täh päiväh šua. ¹⁶ A yksitoistakymmendä opaššettavat aššuttih Galilejah, gorah, kunne käški heilä Iisus. ¹⁷ I nähtyö händä, kumarduačettih hänellä; a muuvennet ei uššottu. ¹⁸ I lähendiäčehyö, Iisus šano heilä: Annettu on miula kaikki valda taivahašša i mualla. ¹⁹ Nin mängiä, opaštakkua kaikki rahvaš, rissittiässä heidä Tuaton i Poijan i Pyhähengen nimeh, ²⁰ I opaštakkua heidä luadie kaikkie, min mie teilä käššin; i ka mie tiän kera olen kaikkina päivinä ijän loppuh šua. Amin’.