Texts
Return to review
| Return to list
Ka el’ett’ih ukke da akka
history
November 22, 2021 in 22:19
Нина Шибанова
- created the text
- created the text translation
- created the text: Ka el’ett’ih ukke da akka.
Akk ol’ moin pattie, ukk hän’dä varaji.
Ka Muasl’enč pothod’iw.
Akk ukkuw kiruw: ,,Män, aja ka miän Pogrelvah, tua Muasl’enčakš kaluw!”
Ukk n’iin i kargjaw hänešt umbär’: „Sčas, akk, tuan!”.
Akk i šanow: „Šie miwl el’ vain kaluw tua, šie miwl tua i od’ožah vorotn’ikk!”.
– „Tuan, tuan, akk, tuan, vain el’ kiruwč!“.
Ukk val’l’ašt hebz’en i l’äks.
Ott ruaškzen, pattievui hevos’t’ s’t’ogaiččow da ajaw.
Nu ka tul’ Pogrelvah.
Šiel’ ošt kaluw, mid šiel’ viel’ ošt i l’äks’ kod’ih ajamah.
Ajaw kod’ih, a ennen hän’d’ ven’yw dorgalla rebo.
Hiän ruad’, šanow: „Ka akall i vorotn’ikk!
N’ytten akk ei rubie milm kiruwmah!”.
Revon jalloist rejen piäl’l’ fur’en’, a ič istuoč.
Značit, istuw reješš.
Ajaw i kaikk duwmaiččow: ”Nu jo hyvä akall l’iäw vorotn’ikk!
I kaluw vejän, i vorotn’ikkuw!”.
A tavukš ei kačah.
A rebo huolett davai yks’in kalaz’in fur’aimah.
Fur’aiččow i fur’aiččow, kaikk šub fur’aičči, kočaht i uid’i.
A ukk (ved’, ka on vanhat howkat!) ei kačah tavuš päi: mid mie vejän.
Tul’ kod’ih, n’i mid: n’i kaluw, n’i vorotn’ikkuw!
Akk hän’d’ davai viel’ kiruwmah tošn’ei.
A rebo sober’i kalaz’et, istuw i šyöw huolett.
Mis’t’ ottuačč – hukk!
– „E-eh, svuat’t’ šie, svuat’t’!
Mis’t’ šie, kaluw otit?
Anuw kalan’!”.
– „Kačuw, šie mit’yš miel’öw! Män tavot!”.
– ”Da mišt’ šie tavotit?”.
– „Ka jovell, män tavot!”.
– „Da kuin šie tavotit?”.
– „Da n’iin, ka avandoh hännän riptiin, da issuin yön.
Ka kaluw min verran tavotiin!”.
A hukall hajuw hvat’ti vet!
Män’ avandoh i istuwč, hännän riputt i istuw.
Hän’d’ i kyl’mäht’.
D’or’n’iw hännän – vähä on kalua.
Kodvazen istuw viel’.
Viel’ kodvazen istuw – d’orgon’i: ei šuw d’or’n’ie.
„No viel’ kodvazen issun, viel’ en’ämbäne”.
Ist, ist – sows’em hänel’l’ hän’d’ šinn kyl’mäht huomnekšeh šuw.
Huomnekšell aštah naizet vettä vaš, i davai ,,huwhtmah” kormisloill.
Kolotittih, kolotittih hiän t’el’m, t’el’m, d’orgon’ – hännän’ i jät’t’ joveh.
Aštuw kyl’äh.
Aštuw kyl’äh – reb aštuw.
– „A, reb, mid’ ruat?”.
Reb kaččow, što pah käd’eh.
Šiel’ emännäl’l’yö tungiečč, tahakšeh (mis’s’ l’iew šiel’l’ emännäl’l’ ollun taigin) voiduwčč, da istuw dorgall, it’köw.
Hukk aštuw.
Hukall jo tul’ rebuw žual’: „Svuat’t’, šie svuat’t’, mis’t’ päin šie moin’ ruaduičiit?”.
– ”Ka mis’s’ ruaduičiin!
Ka duidih, duidih, ka mit’t’yz’ekš ruattih!..
A šie mid’ miwl ruavoit?”.
– ”I miwn jel’ elošš [eloh] jät’et’t’ih!
Nu jo kuin šiwn duidih, svuat’t’, istuw miwl šel’gäh, mie šiwn viän kunn...”
Reb istuč hänel’l’ šel’gäh, grebieč kaglašt, a hukk hän’d’ i kandaw.
A hiän taguw istuw i lawlaw: ”E-eh, duid duimat[tmua] ved’äw, duid duimat[tmua] ved’äw!”.
Hukk i šanow: „Mid šie lawlat, svuat’t’?”.
– „Lawlan, što «duid duiduw ved’äw, duid duiduw ved’äw»”.
Ka hukan i muan’itt.