Texts
Return to list | edit | delete | Create a new | history | Statistics | ? Help
Kolmaš piä
Kolmaš piä
Karelian Proper
New written Tver
1 I
tuli tuaš kanžah , i oli šielä inehmine , kumbazella oli kuivan käzi .
2 I vardeidih Hända , niinägo šuovattoina parennuttau händä , kuin Hända viärittiä .
3 I šano inehmizellä , kulla kuivahtan käzi : Šeizattuače keššelä .
4 I šano heilä : Šobiugo šuovattoina hyviä luadie ali pahua luadie ?
Hengi šäilyttiä ali hävittiä ?I hyö iänettä oldih .
5 I kačahtahuo hiän piällä šiämen kera , tuškeudunut šidä , jotto hiän šiämet kovettih , šano inehmizellä : Oijenna kädeš .
I oijendi , i lujeni hänen käzi , kuin toine .
6 I lähtehyö , fariseit šiinä že Irodalisson kera keškenäh pandih , kuin Händä hävittiä .
7 A Iisus läksi omien opaššettavien kera meren luoh ; i äijä rahvašta aštu Galilejašta Hänellä jällesti , i Iudejašta ,
8 I Ijerusalimašta , i Idumejašta , i šildä puolda Jordanua , i Tiirašta , i Sidonašta , ylen äijän , kuuluštahuo , midä Hiän luadiu , i tuldih Hänen luo .
9 I käški omilla opaššettavilla šuaha Hänellä venehen rahvahan täh , kuin Händä ei ličattais’ .
10 Äijie jo Hiän tervehytti , äššen Hänen piällä tuleteldih , kuin vain Händä koššahuttuačie , kellä oldih kibiet .
11 I lemmot , nähtyö Händä , langieldih Hänellä jalgoih , i möistih , paissešša , jotto : Šie olet Jumalan Poiga .
12 I äijäldi kieldi heidä , kuin Händä tiedävänä ei luajittais’ .
13 I mäni goralla , i kedä pidi Hänellä , kučču ; i tuldih Hänen luo .
14 I luadi kakšitoistakymmendä , kumbazet oldais’ Hänen kera , i kumbazie työndelis’ Hiän šanelomah ,
15 I voidais’ hyö piäštiä taudiloista i porottua lemboloja .
16 I ando Simonalla nimen Pedri ;
17 I Zevedein Juakovua , i Juakovan vellie Iivanua : pani heilä nimen Voanarges , mi on ukonjyryn poijat ;
18 I Ondreida , i Hilippiä , i Varfolomeida , i Matveida , i Fomua , i Alfein Juakovua , i Fadeida , i Kananitašta Simonua ,
19 I Iskariuotašta Iudua , kumbane i ando Hänen .
20 I tuldih taloh ; i keräydy tuaš rahvašta , äššen ei voinun heilä tarkoin leibiä šyyvä .
21 I kuulduo , ket oldih Hänen luona , lähteih Händä ottua , paistih hyö , jotto Hiän houkaštau .
22 I kirjamiehet , kumbazet tuldih Ijerusalimašta , paistih : Häheššä vejel’zevula on , i lemboloin vanhemman tuačči porottau lemboloja .
23 I kuččuhuo hiät , arvauttamizeh pagizi heilä : Kuin voit sotona sotonua porottua ?
24 I kuin mua keškenäh šovinnotta on , ei voi pizyö že mua ;
25 I kuin kodi liey keškenäh šovinnotta , ei voi pizyö že kodi ;
26 I kuin sotona nouži ičen piällä iče i eroi , ei voi pizyö , a mänöy piäh šua .
27 Eigo voi niken vägövän inehmizen tarbehta , mändyö kodih , viijä , kuin iellä ei šivo vägöviä , i šilloin hänen kojin varraštau .
28 Amin’ šanon teilä : kaikki riähät jättiäčetäh inehmizien poijilla , i koronnat , min hyö korottaneh ;
29 A ken korou Pyhähengen piällä , iinigäh ei liene jätändiä šillä , a viärä on iinigäzellä suudulla .
30 Žentäh , mintäh paistih : Pahalane on Häneššä .
31 Tuldih Hänen Muamo i vellet , i šeizattuačehuo ulguona , työnnettih Hänen luo kuččumah Händä .
32 I rahvaš issuttih Hänen ymbäri .
Šanottih Hänellä : Ka , Šiun Muamo , Šiun vellet i čikot Šiun ulguona Šilma kyžytäh .
33 I vaštah šano heilä , niin paissešša : Ken Miun Muamo ali Miun vellet ?
34 I kačahtahuo Ičen ymbäri istujien piällä , šano : Ka Miun Muamo i Miun vellet ;
35 Ken kuin luadiu Jumalan välliä myöt’ , že Miun velli , i Miun čikko , i Muamo Miula on .
Kolmaš piä
Karelian Proper
New written Tver
8
15
17
18
19
25
26
29
35