Texts

Return to review | Return to list

Kuuveštoistakymmeneš piä (Kuuveštoista piä)

history

November 30, 2021 in 14:51 Нина Шибанова

• changed the title
  from MARKEŠTА SVʼATOI JOVANGELI. Kuuveštoistakymmeneš piä (Kuuveštoista piä)
  to Kuuveštoistakymmeneš piä (Kuuveštoista piä)
• created the comments of the source: MARKEŠTА SVʼATOI JOVANGELI
• changed the title
  from MARKEŠTА SVʼATOI JOVANGELI. Kuuveštoistakymmeneš piä (Kuuveštoista piä)
  to Kuuveštoistakymmeneš piä (Kuuveštoista piä)

November 30, 2021 in 12:51 Нина Шибанова

• created the text
• created the text: ¹ I šuovatan jälgeh Muarie Magdalina i Juakovan Muarie da Salomie oššettih voidieda, mändyö voidua Šyndyruohtinua. ² I ylen aivoin enžimässä päivänä šuovatašta hyö tuldih kalmalla, konža jo päiväne nouži, ³ I paistih keškenäh: Ken meilä lykkiäy kiven kalman piäldä? ⁴ I kačahtahuo, nähtih, jotto lykätty oli kivi, oli ylen šuuri. ⁵ I mändyö kalman šiämeh, nähtih brihua istumašša oigiella kiällä, šuorinnutta valgeih vuatteih; i pölläššyttih. ⁶ A hiän šano heilä: Elgiä pölläštäliečekkiä, työ ečittä riputettuo Nazoreista Iisusua; nouži, eule tiälä. Ka i šija, kunne Hänen pandih. ⁷ A mängiä, šanokkua Hänen opaššettavilla da Pedrillä, jotto Hiän iellä teidä mänöy Galilejah: šielä Händä niättä, kuin Hiän šano teilä. ⁸ I lähtehyö, hypättih kalmalda, šäräydynyöt i pölläštynyöt oldih, eigo kellä midä paistu, varattih. ⁹ A virgoi Iisus huomenekšešta enžimäzenä päivänä šuovatašta, i ožuttuačih Magdalinalla Muariella, kumbazešta porotti šeiččimen lembuo. ¹⁰ A hiän, mändyö, šano hänen kera olijilla, kumbazet itkeih i röngyttih. ¹¹ I hyö, kuuluštahuo, jotto elošša on, i hiän Händä nägi, ei uššottu. ¹² Tämän jälgeh toizin ožuttuačih kahella niistä matalla, kuin hyö mändih kyläh. ¹³ I ne, mändyö, šanottih toizilla; eigo i näilä uššottu. ¹⁴ A jälgiperillä ožuttuačih yksitoištakymmenellä, konža hyö yheššä issuttih, i burizi heidä hiän ei-uššonnašta šyin i kovan šiämen täh, kuin hyö ei uššottu niilä, ket nähtih Händä. ¹⁵ I šano heilä: Mängiä kaikkeh muailmah, šanokkua Jovangelie jogohizella. ¹⁶ Ken uškonnou i rissittiäčöy, šäilyy; a ken ei uškonne, viärittiäčöy. ¹⁷ A Miun uškolla nämä kummat lietäh: Miun nimellä lemmot porotetah; toizilla ruvetah pagizomah kielilöilä; ¹⁸ Zmejamaduo otetah; i kuin mittyön šurmajuomizen juuvah, nimikseh heilä: voimattomien piällä pannah kiät, i ne tervehytäh. ¹⁹ Niin Šyndyruohtinana, šanohuo heilä tämän, nouži taivahaže, i istuih oigiella kiällä Jumalua. ²⁰ A hyö, lähtehyö, kaikkiella šaneldih, Šyndyruohtina heilä autto i hiän paginoja lujendi järeštäh kummilla. Amin’.