Texts
Return to list | edit | delete | Create a new | history | Statistics | ? Help
Mikš Iisus pagižeb ozoitezstarinoil?
Mikš Iisus pagižeb ozoitezstarinoil?
Veps
10Openikad
tuliba Iisusannoks i küzuiba : «Mikš sinä pagižed heile ozoitezstarinoil ?»
11Iisus sanui : «Sikš , miše teile om anttud teta taivhan valdkundan peitazjoid , a heile ei . 12Kenel om , sille anttas , i hän sab enamban mi külläks , no kenel ei ole , sil ottas se-ki , midä hänel om . 13Minä sikš pagižen heile ozoitezstarinoil , miše hö kacten ei nähkoi , kundelten ei kulgoi i ei el’gekoi .
14Heiš todenzub se Isaijan endustuz : – Tö kulden kulet , no et el’gekoi , kacten kacut , no et nähkoi .
15Necen rahvahan südäimed oma kovidunuded . Hö habi kuleba korvil , i sil’mäd hö oma umbištanuded , miše ei voiži sil’mil nähta , ei voiži korvil kulda , ei voiži el’geta südäimel , i ei voiži kärautas pahaspäi , miše minä tegižin heid tervhikš .
16Ozakahad oma teiden sil’mäd , sikš miše ned nägeba , i teiden korvad , sikš miše ned kuleba ! 17Todeks sanun teile : äjad Jumalan sanankandajad i tozioiktad mehed tahtoiba nägištada , midä tö näget , no ei nähnugoi , i kulištada , midä tö kulet , no ei kulnugoi .»
Mikš Iisus pagižeb ozoitezstarinoil?
Veps