Texts
Return to list | edit | delete | Create a new | history | Statistics | ? Help
Iisussa ta šuan saltatan piälikkö
Iisussa ta šuan saltatan piälikkö
Karelian Proper
New written karelian
5 Konša
Iisussa tuli Kapernaumih , eryäš šuan saltatan piälikkö tuli Hänen luokši ta kyšy Häneltä apuo .
6 Mieš šano : "Hospoti ,
miun paššarin hulvasi .Hiän makuau koissa šuurissa tušissa ".
7 Iisussa šano : "Mie tulen ta parennan hänet ".
8 Šiih šuanpiälikkö vaštasi : "Hospoti ,
mie en ole šen arvoni , jotta Šie tulisit miun katon alla .Šano vain šana , ta paššari parenou .9 Mie iče niise tottelen toisien käškyjä ta komentelen omie saltattoja .
Kun šanon yhellä : "Mäne ", hiän mänöy , tahi toisella : "Tule ", hiän tulou , tahi kun šanon paššarillani : "Rua tämä ", hiän ruatau ".
10 Tämän kuultuo Iisussa hämmäšty ta šano peräššä aštujilla : "Šanon teilä toven : näin lujua uškuo en ole nähnyn yhelläkänä israelilaisella .
11 Mie šanon teilä , päivännoušušta ta päivänlašušta päin tulou monie , kumpaset Taivahien Valtakunnašša istuuvutah stolah yheššä Aprahamin , Issakan ta Juakon kera .
12 A jevreit , ket oli šynnytty Valtakunnan perijiksi , luuvvah pois pimieh .
Šielä on itku ta hampahien kriičkeh ".
13 Šiitä Iisussa šano šuanpiäliköllä : "Mäne .
Käykäh šiula šiun ušon mukah ".Šiinä šamašša paššari pareni .
Iisussa ta šuan saltatan piälikkö
Karelian Proper
New written karelian