Texts

²⁹ «Ta ruttoh noijen hätäpäivien jälkeh päiväni pimenöy ta kuu ei anna valuo. Tähet kirvotah taivahašta ta taivahien voimat tärähetäh. ³⁰ Šilloin taivahalla ilmeštyy Ihmisen Pojan merkki. Kaikki muan heimot ruvetah tušissah voikertamah, kun nähäh Ihmisen Poika tulomašša taivahan pilvien piällä šuurešša voimaššah ta jumalallisešša valoššah. ³¹ Šuuren torven toitottuas's'a Hiän työntäy omie anhelija keryämäh Jumalan valitut muan nelläštä puolešta, taivahanlaijašta toiseh laitah šuate.

³² Opaštukkua šiitä, mitein smokvapuulla käyt: konša šen okšat virotah ta puhetah lehteh, työ tiijättä, jotta kešä on läššä. ³³ Šamoin, konša niättä kaiken tämän, tietäkkyä, jotta Ihmisen Poika on läššä, aivan ovilla.

³⁴ Šanon teilä toven: tämä ihmispolvi ei kavo šini, kuni kaikki tämä ei tapahu. ³⁵ Taivaš ta mua kavotah, a Miun šanat ei kavota.

³⁶ No šitä päivyä ta tuntie ei tiijä kenkänä, ei ni taivahan anhelit, šen tietäy vain Miun Tuatto. ³⁷ Niin kuin oli Noijan päivinä, šamoin käyt šilloinki, konša Ihmisen Poika tulou. ³⁸ Vejennoušun iellä ihmiset šyötih ta juotih, akotuttih ta mäntih miehellä ihan šiih päiväh šuate, konša Noija mäni laivah. ³⁹ Hyö ei arvattu vuottua mitänä, kuni vejet ei nouštu ta hävitetty heitä kaikkie. Šamoin käyt niinä päivinä, konša Ihmisen Poika tulou. ⁴⁰ Šilloin kakši mieštä on pellolla: yksi otetah, toini jätetäh. ⁴¹ Kakši naista on käsikivellä jyvie jauhomašša: yksi otetah, toini jätetäh.

⁴² Šentäh valvokkua, työ kun että tiijä, konša tiän Hospoti tulou.

⁴³ Työhän tiijättä, jotta kun talon isäntä tietäis, mih yönaikah rosvo tulou, hiän valvois eikä antais šen purkautuo talohoh.

⁴⁴ Šentäh työki olkua valveilla: Ihmisen Poika tulou šemmoseh aikah, konša työ että tiijä vuottua Häntä».

²⁹ И вдруг, после скорби дней тех, солнце померкнет, и луна не даст света своего, и звезды спадут с неба, и силы небесные поколеблются; ³⁰ тогда явится знамение Сына Человеческого на небе; и тогда восплачутся все племена земные и увидят Сына Человеческого, грядущего на облаках небесных с силою и славою великою; ³¹ и пошлет Ангелов Своих с трубою громогласною, и соберут избранных Его от четырех ветров, от края небес до края их.

³² От смоковницы возьмите подобие: когда ветви ее становятся уже мягки и пускают листья, то знаете, что близко лето; ³³ так, когда вы увидите всё сие, знайте, что близко, при дверях.

³⁴ Истинно говорю вам: не прейдет род сей, как всё сие будет; ³⁵ небо и земля прейдут, но слова Мои не прейдут.

³⁶ О дне же том и часе никто не знает, ни Ангелы небесные, а только Отец Мой один; ³⁷ но, ка́к было во дни Ноя, так будет и в пришествие Сына Человеческого: ³⁸ ибо, ка́к во дни перед потопом ели, пили, женились и выходили замуж, до того дня, как вошел Ной в ковчег, ³⁹ и не думали, пока не пришел потоп и не истребил всех, — так будет и пришествие Сына Человеческого; ⁴⁰ тогда будут двое на поле: один берется, а другой оставляется; ⁴¹ две мелющие в жерновах: одна берется, а другая оставляется.

⁴² Итак бодрствуйте, потому что не знаете, в который час Господь ваш приидет.

⁴³ Но это вы знаете, что, если бы ведал хозяин дома, в какую стражу придет вор, то бодрствовал бы и не дал бы подкопать дома своего.

⁴⁴ Потому и вы будьте готовы, ибо в который час не думаете, приидет Сын Человеческий.