Texts
Return to list | edit | delete | Create a new | history | Statistics | ? Help
Iisussa moliutuu Gefsimanijašša
Iisussa moliutuu Gefsimanijašša
Karelian Proper
New written karelian
36 Šiitä
Iisussa tuli opaššettavien kera Gefsimanija-nimiseh paikkah ta šano heilä : "Istukkua täššä šini , kuni Mie käyn tuola moliutumašša ".
37 Hiän otti matkah Petrin ta molommat Savvatein pojat . Mureh ta tuška rupesi nyt painamah Häntä .
38 Hiän šano heilä : "Miun henkeni on tušašša , kuoloman tušašša . Vuottakkua täššä ta valvokkua Miun kera ".
39 Hiän mäni vähäistä loitommakši , heittäyty očin muah ta moli : "Tuattoni Miun ! Kun šuinki šuanou , niin mänkäh tämä muokkamal'l'a Miun kyličči .Ka elkäh käykäh niin kuin Mie tahon , vain niin kuin Šie tahot ".
40 Hiän myöšty opaššettavien luo ta näki , jotta hyö muatah . Šiitä Hiän šano Petrillä : "Ettäkö työ ni yhtä tuntie jakšan valvuo Miun kera ?
41 Valvokkua ta moliutukkua , jotta että joutuis pahan muanitukšeh . Teilä on tahto hyväh , ka ihmisluonto on heikko ".
42 Hiän tuaš mäni loitommakši ta moliutu uuvveštah : "Tuattoni Miun ! Kun Miun tovenki pitänöy juuvva tämä muokkamal'l'a , niin käykäh niin kuin Šie tahot ".
43 Konša Hiän tuli jälelläh , niin tuaš näki opaššettavat makuamašša . Heijän šilmät mäntih ičeštäh umpeh .
44 Hiän jätti hiät šiih , mäni tuaš ta moliutu kolmannen kerran šamoilla šanoilla .
45 Šiitä Hiän tuli opaššettavien luo ta šano heilä : "A työ aina vain makuatta ta levähtelettä ? Aika on tullun .Ihmisen Poika annetah riähkähisien käsih .46 Nouškua , nyt lähemmä ! Miun pettäjä on jo lähellä ".
Iisussa moliutuu Gefsimanijašša
Karelian Proper
New written karelian