Texts
Return to list | edit | delete | Create a new | history | Statistics | ? Help
Mi tegeb mehen paganaks?
Mi tegeb mehen paganaks?
Veps
10Iisus
kucui rahvast ičezennoks i sanui : «Kundelkat i el’gekat . 11Mi mäneb suspäi südäimehe , ei tege mest paganaks . Mehen tegeb paganaks se , mi tuleb suspäi irdale .»
12Siloi openikad tuliba hänennoks i sanuiba : «Tedad-ik , miše farisejad rändüiba sinun sanoiden tagut ?»
13Hän sanui : «Kaik , midä ei ole minun taivhaline Tat ištutanu , nütkäitas juridenke . 14Jätkat heid . Hö oma sogedad i sogedoid vedätaba .I ku soged talutab toižen sogedan , molembad lankteba haudha .»
15Petr sanui hänele : «Pagižed ozoitezstarinoil . Sanu meile , midä znamoičeb nece sinun sana farisejile .»
16Iisus sanui : «Olet-ik tö-ki völ mugoižed el’getomad ? 17Et-ik tö völ-ki el’gekoi , miše se , mi mäneb suspäi südäimehe , sid’-žo tuleb vacha , i jäl’ghe nužnikaha . 18No se , mi tuleb suspäi irdale , om lähtnu südäimespäi , i se tegeb mehen paganaks . 19Vaiše südäimespäi lähteba pahad meletused , rikondad , verhan akanke vai mužikanke magadamižed , vedeluzelo , varghuded , kelhad väritused i pahad sanad toižiden polhe . 20Kaik nece tegeb mehen paganaks , a ei pezmatomil käzil sömine .»
Mi tegeb mehen paganaks?
Veps