VepKar :: Texts

Texts

Return to list | edit | delete | Create a new | history | Statistics | ? Help

Iisusal kyzytäh kuollieloisnouzendah näh

corpus: Biblical texts

Source:
Uuzi Sana, 2003, p. 33
Jevangelii Matfein mugah. Iisusan ruado Jerusalimas. 22.
(Mark. 12:18-27; Luk. 20:27-40)

Iisusal kyzytäh kuollieloisnouzendah näh

Livvi
New written Livvic
23 Senny päivänny tuldih Iisusan luo saddukeit, kudamat sanotah: "Kuollieloisnouzendua ei ole". Hyö kyzyttih Hänel: 24 "Opastai, Moisei on sanonuh: "Ku mies kuollou lapsettomannu, hänen velli naigah hänen akas i luajikkah vellelleh lapsen". 25 Meijän keskes eli seiččie vellesty. Enzimäine otti akan i kuoli, i ku hänel ei olluh lastu, leski jäi hänen vellelleh. 26 Muga rodih i toizele, kolmandele i kaikile seiččemele. 27 Jälgimäzenny kuoli akku. 28 Konzu kuolliet nostah, ga kenenbo akakse häi rodieu? Häi vet oli kaikkien velleksien akannu".

29 Iisus vastai heile: "Työ oletto yöksyksis, ku etto tunne Pyhii Kirjutuksii, ettogo Jumalan vägie. 30 Eihäi kuollielois nossuot naija eigo mennä miehele, hyö ollah ku anhelit taivahas.

31 A midä kuuluu kuollieloisnouzendah, olettohäi lugenuh teile kirjutetut Jumalan sanat: 32 "Minä olen Avraaman Jumal, Isakan Jumal i Juakoin Jumal"? Jumalale ei ole kuolluzii, kai ollah Hänele elävät".

33 Tämän kuultuu rahvas diivuittihes Hänen opastandua.

Матфей 22: 23-33

Russian
23 В тот день приступили к Нему саддукеи, которые говорят, что нет воскресения, и спросили Его: 24 Учитель, Моисей сказал: если кто умрет, не имея детей, то брат его пусть возьмет за себя жену его и восстановит семя брату своему;|. 25 было у нас семь братьев; первый, женившись, умер и, не имея детей, оставил жену свою брату своему; 26 подобно и второй, и третий, даже до седьмого; 27 после же всех умерла и жена; 28 итак, в воскресении, которого из семи будет она женою? ибо все имели ее.

29 Иисус сказал им в ответ: заблуждаетесь, не зная Писаний, ни силы Божией, 30 ибо в воскресении ни женятся, ни выходят замуж, но пребывают, как Ангелы Божии на небесах.

31 А о воскресении мертвых не читали ли вы реченного вам Богом: 32 Я Бог Авраама, и Бог Исаака, и Бог Иакова? Бог не есть Бог мертвых, но живых.

33 И, слыша, народ дивился учению Его.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages