VepKar :: Texts

Texts

Return to list | edit | delete | Create a new | history | Statistics | ? Help

Mis nägyy lopun tulendu?

corpus: Biblical texts

Source:
Uuzi Sana, 2003, p. 35-36
Jevangelii Matfein mugah. Iisus pagizou jälgimäzeh aigah näh. 24.
(Mark. 13:3-13; Luk. 21:7-19)

Mis nägyy lopun tulendu?

Livvi
New written Livvic
3 I konzu Iisus istui Voipuumäil, Hänen luo tuldih opastujat rahvahattomal aijal da kyzyttih: "Sano meile, konzu se kai rodieu da mittuine on Sinun tulendan da tämän aijan lopun tunnusmerki"?

4 Iisus vastai heile: "Vardoikkuattokseh, ku niken ei yöksyttäs teidy. 5 Äijät, näit, tullah minun nimel da sanotah: "Minä olen Messii", i hyö yöksytetäh äijii.

6 Työ kuuletto torien iänii i viestilöi voinis; kačokkua, älgiä pöllästykkiä. Muga pidäy olla, no se vie ei ole loppu. 7 Rahvas nouzou rahvahan piäle i mua muan piäle. Äijis kohtis rodieu n՚älgiä da muansärizendiä. 8 No kai se on vai suandutuskien algu.

9 Sit teidy annetah muokattavakse da tapetah, i kai muailman rahvahat ruvetah vihuamah teidy minun nimen täh. 10 Äijät sit kieldävytäh uskos, ruvetah menettämäh da vihuamah toine tostu. 11 Tulou äijy Jumalan iänenkandajakse menijöi, i äijii hyö yöksytetäh. 12 Sendäh äijien suvaičus vilustuu, ku viärys liženöy. 13 No ken kestäy loppuh suate, se piäzöy.

14 Kaikkiel muailmas ruvetah sanelemah hyviä viestii Taivahallizen valdah näh, ku luadie se tiettäväkse kaikile rahvahile, i sit tulou loppu".

Матфей 24: 3-14

Russian
3 Когда же сидел Он на горе Елеонской, то приступили к Нему ученики наедине и спросили: скажи нам, когда это будет? и какой признак Твоего пришествия и кончины века?

4 Иисус сказал им в ответ: берегитесь, чтобы кто не прельстил вас, 5 ибо многие придут под именем Моим, и будут говорить: "я Христос", и многих прельстят.

6 Также услышите о войнах и о военных слухах. Смотрите, не ужасайтесь, ибо надлежит всему тому быть, но это еще не конец: 7 ибо восстанет народ на народ, и царство на царство; и будут глады, моры и землетрясения по местам; 8 всё же это — начало болезней.

9 Тогда будут предавать вас на мучения и убивать вас; и вы будете ненавидимы всеми народами за имя Мое; 10 и тогда соблазнятся многие, и друг друга будут предавать, и возненавидят друг друга; 11 и многие лжепророки восстанут, и прельстят многих; 12 и, по причине умножения беззакония, во многих охладеет любовь; 13 претерпевший же до конца спасется.

14 И проповедано будет сие Евангелие Царствия по всей вселенной, во свидетельство всем народам; и тогда придет конец.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages