Texts
Return to list | edit | delete | Create a new | history | Statistics | ? Help
Iisussa račaštau Jerusalimih
Iisussa račaštau Jerusalimih
Karelian Proper
New written karelian
1Kun
hyö läheššyttih Jerusalimie , hyö tultih Vifagijah ta Vifanijah , mit oltih Voipuuvuaran rintiellä . Iisussa työnsi ieltäpäin kakši opaššettavua 2ta šano heilä : "Mänkyä tuoh kyläh , mi on kohakkah . Heti kun tuletta šinne , työ niättä kiini šivotun oslanvaršan . Šen šeläššä kenkänä ei ole vielä istun .Kerittäkkyä še ta tuokua tänne .
3Kun ken kyšynöy teiltä , mintäh työ niin ruatta , šanokkua vain : "Hospoti tarviččou šitä , ka ruttoh Hiän työntäy šen jälelläh "".
4Opaššettavat lähettih ta löyvettih varša , kumpani oli šivottuna pihalla veräjäh kiini . Hyö keritettih še .
5Šiinä šeisojista ihmisistä eryähät kyšyttih : "Mitä työ oikein ruatta ? Mintäh työ keritättä varšua "?
6Hyö vaššattih niin kuin Iisussa käški , ta heijän annettih männä .
7Hyö tuotih varša Iisussalla , pantih šen šelkäh omie vuatteita , ta Iisussa nousi varšalla šelkäh .
8Monet ihmiset leviteltih vuatteitah tiellä . Toiset katattih tiepuolissa kašvajista puista lehvijä ta levitettih niitä tiellä .
9Kaikin , ket aššuttih Iisussan ieššä ta jäleššä , karjuttih näin : – Osanna ! Plahoslovittu olkah Hiän , kumpani tulou Hospotin nimeššä !
10Plahoslovittu olkah tuatto Tuavitan valtakunta , kumpani tulou Hospotin nimeššä ! Osanna ylähyänä taivahissa !
11Niin Iisussa tuli Jerusalimih . Hiän mäni jumalankotih ta kaččeli šielä kaikkie . No kun oli jo myöhäni aika , Hiän läksi kahentoista opaššettavan kera Vifanijah .
Iisussa račaštau Jerusalimih
Karelian Proper
New written karelian