Texts

Kyšymyš šuurimmašta käšyštä

July 04, 2022 in 15:44 Нина Шибанова

created the text
created the text translation
created the text: ²⁸Eryäš sakonanopaštaja kuuli heijän pakinan ta hokšasi, kuin hyvin Iisussa vaštasi saddukeiloilla.^ Hiän tuli ta kyšy Iisussalta: «Mi käšky on kaikista tärkein»? ²⁹Iisussa vaštasi: «Enšimmäini käšky on tämä: "Kuulkua, Israelin rahvaš! Hospoti, miän Jumala, on ainut Hospoti. ³⁰Tykkyä Hospotie, omua Jumaluaš, koko šytämeštäš, kaikella henkelläš, kaikella mielelläš ta kaikin voimin".^ Tämä on enšimmäini käšky. ³¹Toini šaman vertani on tämä: "Tykkyä omua lähimmäistäš niin kuin iččieš". Näitä šuurempua käškyö ei ole olomašša». ³²Sakonanopaštaja šano Hänellä: «Oikein, Opaštaja! Totta pakasit, jotta Hospoti on ainut Jumala, ei ole muita kuin Hiän. ³³Ta kun ihmini tykkyäy Häntä koko šytämeštäh, kaikella mielelläh, kaikella henkelläh ta kaikin voimin, ta tykkyäy lähimmäistäh niin kuin iččieh, še on enämmän kuin polttouhrit ta kaikki muut uhrit». ³⁴Iisussa näki, jotta sakonanopaštaja vaštasi viisahašti, ta šano hänellä: «Šie et ole etähänä Jumalan Valtakunnašta». Šen jälkeh kenkänä ei ruohtin kyšyö Iisussalta mitänä.