VepKar :: Texts

Texts

Return to list | edit | delete | Create a new | history | Statistics | ? Help

Jairan tytär da verentulendal voimatoi naine

corpus: Biblical texts

Source:
Uuzi Sana, 2003, p. 52
Jevangelii Markan mugah. Suuret kummat. 5.
(Matf. 9:18-26; Luk. 8:40-56)

Jairan tytär da verentulendal voimatoi naine

Livvi
New written Livvic
21 Konzu Iisus oli uvvessah tulluh venehel järven toizele puolele, Hänen luo kerävyi äijy rahvastu. Häi oli vie rannas,

22 ku sinne tuli yksi sinagougan vahnimis, kudamua kučuttih Jairakse. Iisusan nähtyy mies langei Hänen jalgoih, 23 da rubei pokoroimahes ylen äijäl: "Minun pieni tytär on kuolemazilleh. Läkkä, pane käit hänen piäle, ku häi piäzis da jiäs hengih".

24 Iisus lähti miehenke, i suuri joukko rahvastu astui Hänele peräh da ahtisti Händy kaikkielpäi.

25 Sie oli yksi naine, kudai kaksitostu vuottu oli voimatoi verentulendal. 26 Häi oli äijäl muokkavunnuh monen parandajan käzis da menetännyh kaiken oman taguzen, no ei suannuh nimittumua hoivendustu, rodih vai pahembi. 27 Häi oli kuulluh Iisussah näh, i nygöi rahvasjoukon keskes tuli taganpäi Iisusan luo i kosketti käil Hänen sobua. 28 Naine, näit, duumaičči: "Ku vai kosketan Hänen sobii, sit minä piäzen".

29 Kerras verentulendu azetui. Häi omas rungas kuuli, ku voimattomus lähti hänes.

30 Iisus kerras tunzi omas ičes, ku Hänes lähti vägi. Häi kiändyi rahvasjoukos da kyzyi: "Kenbo kosketti minun sobii"?

31 Opastujat sanottih: "Ičehäi näit, mi äijy rahvastu tungetteleh Sinus ymbäri, a kyzyt, ken kosketti Sinuu"!

32 No Iisus kačoi ymbäri, ku tahtoi nähtä, kudai sen luadii.

33 Naine ku tiezi, midä hänele rodiihes, tuli Iisusan edeh varavuksis da säristen, heittih polvilleh da sanoi Iisusale kaiken toven.

34 Iisus sanoi hänele: "Tytär, sinun usko piästi sinuu. Mene rauhas, sinä olet piässyh omas voimattomuos".

35 Iisus vie jatkoi paginua, ku sinagougan vahnimale tuodih koispäi viesti: "Sinun tytär kuoli. Älä vaivua enämbiä opastajua".

36 No sen kuultuu Iisus sanoi sinagougan vahnimale: "Älä varua, vai usko".

37 Häi ei andanuh valdua nikelle lähtie Hänenke, paiči Pedrile da Juakoile da vie Juakoin vellele Iivanale.

38 Hyö tuldih sinagougan vahniman koin luo. Iisus nägi, mi äijy rahvastu hälizöy sie, kuuli, kui rahvas itkiettih da luveteltih.

39 Häi meni pertih i sanoi: "Midä työ hälizettö da itkettö? Lapsi ei ole kuolluh, häi maguau".

40 Händy nagrettih. No Häi ajoi kaikkii pihale, otti lapsen tuatan i muaman da net kolme opastujua i meni gorniččah, kus virui lapsi.

41 Häi otti lastu käis da sanoi: "Talifa kuum", mi merkiččöy: "Sanon sinule, tyttöine, nouze"!

42 Tyttöine kerras nouzi i lähti astumah; häi oli kaksitostuvuodine. Kaikin oldih hämmästyksis.

43 Iisus kieldi kaikkii sanelemas tädä. Häi käski andua tyttözele syvvä.

Марк 5: 21-43

Russian
21 Когда Иисус опять переправился в лодке на другой берег, собралось к Нему множество народа. Он был у моря.

22 И вот, приходит один из начальников синагоги, по имени Иаир, и, увидев Его, падает к ногам Его 23 и усильно просит Его, говоря: дочь моя при смерти; приди и возложи на нее руки, чтобы она выздоровела и осталась жива.

24 Иисус пошел с ним. За Ним следовало множество народа, и теснили Его.

25 Одна женщина, которая страдала кровотечением двенадцать лет, 26 много потерпела от многих врачей, истощила всё, что было у ней, и не получила никакой пользы, но пришла еще в худшее состояние, — 27 услышав об Иисусе, подошла сзади в народе и прикоснулась к одежде Его, 28 ибо говорила: если хотя к одежде Его прикоснусь, то выздоровею.

29 И тотчас иссяк у ней источник крови, и она ощутила в теле, что исцелена от болезни.

30 В то же время Иисус, почувствовав Сам в Себе, что вышла из Него сила, обратился в народе и сказал: кто прикоснулся к Моей одежде?

31 Ученики сказали Ему: Ты видишь, что народ теснит Тебя, и говоришь: кто прикоснулся ко Мне?

32 Но Он смотрел вокруг, чтобы видеть ту, которая сделала это.

33 Женщина в страхе и трепете, зная, что с нею произошло, подошла, пала пред Ним и сказала Ему всю истину.

34 Он же сказал ей: дщерь! вера твоя спасла тебя; иди в мире и будь здорова от болезни твоей.

35 Когда Он еще говорил сие, приходят от начальника синагоги и говорят: дочь твоя умерла; что еще утруждаешь Учителя?

36 Но Иисус, услышав сии слова, тотчас говорит начальнику синагоги: не бойся, только веруй.

37 И не позволил никому следовать за Собою, кроме Петра, Иакова и Иоанна, брата Иакова.

38 Приходит в дом начальника синагоги и видит смятение и плачущих и вопиющих громко.

39 И, войдя, говорит им: что смущаетесь и плачете? девица не умерла, но спит.

40 И смеялись над Ним. Но Он, выслав всех, берет с Собою отца и мать девицы и бывших с Ним и входит туда, где девица лежала.

41 И, взяв девицу за руку, говорит ей: "талифа́ куми́", что значит: девица, тебе говорю, встань.

42 И девица тотчас встала и начала ходить, ибо была лет двенадцати. Видевшие пришли в великое изумление.

43 И Он строго приказал им, чтобы никто об этом не знал, и сказал, чтобы дали ей есть.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages