VepKar :: Texts

Texts

Return to list | edit | delete | Create a new | history | Statistics | ? Help

Iisus syöttäy viizituhattu miesty

corpus: Biblical texts

Source:
Uuzi Sana, 2003, p. 54
Jevangelii Markan mugah. Iisus kävelöy Galileis da sen lähikohtis. 6.
(Matf. 14:13-21; Luk. 9:10-17; Iiv. 6:1-14)

Iisus syöttäy viizituhattu miesty

Livvi
New written Livvic
30 Apostolat kerävyttih Iisusan luo i sanottih Hänele kai, midä ruattih da opastettih rahvahale.

31 Häi sanoi heile: "Läkkiä minunke yksinäzeh kohtah da huogavukkua vähäine". Tulijua da menijiä oli äijy, i opastujat ei ehtitty ni syvvä.

32 Mugai lähtiettih hyö venehel elämättömäh kohtah, ku tahtottih olla yksinäh.

33 No rahvas nähtih heijän lähtendy da äijät tundiettih heidy. Rahvastu tuli juoksujalgua kaikis linnoispäi, rannači rahvas ehtittih perile enne heidy.

34 Venehespäi nostes Iisus nägi sie äijän rahvastu. Hänele rodih žiäli heidy, ku hyö oldih kui lambahat paimoittah. Häi rubei heidy opastamah i opasti äijäh dieloh.

35 Konzu päivy oli jo heittymäs, opastujat tuldih Hänen luo da sanottih: "Tämä on elämätöi kohtu, da on jo myöhä. 36 Työnnä heidy iäres, anna hyö mennäh lähizih taloloih da kylih ostamah ičelleh syömisty".

37 "Työ iče annakkua heile syvvä", vastai Iisus. Hyö sanottih: "Ga pidäygo meil mennä da ostua leibiä kahtehsadah dinuarah heile syödäväkse"?

38 Iisus kyzyi: "Äijygo leibiä teil on? Mengiä kačokkua". Sen tiijustahuu hyö sanottih: "Viizi, da kaksi kalua".

39 Iisus käski opastujile istuttua rahvastu joukoittain vihandale nurmele.

40 Rahvas istuttihes joukko joukon rinnale, sada libo viizikymmen joga joukos.

41 Sit Häi otti net viizi leibiä da kaksi kalua, kačoi yläh taivahah da kiitti Jumalua. Häi lohkai leivät da andoi palat opastujile juattavakse rahvahale. Muga Häi jagoi kaikile net kaksi kaluagi.

42 Kaikin syödih kylläl,

43 i jiännytty palua kerättih kaksitostu täytty viršii, dai kaluagi jäi.

44 Syömäs oli viizituhattu miesty.

Марк 6: 30-44

Russian
30 И собрались Апостолы к Иисусу и рассказали Ему всё, и что сделали, и чему научили.

31 Он сказал им: пойдите вы одни в пустынное место и отдохните немного, — ибо много было приходящих и отходящих, так что и есть им было некогда.

32 И отправились в пустынное место в лодке одни.

33 Народ увидел, как они отправлялись, и многие узнали их; и бежали туда пешие из всех городов, и предупредили их, и собрались к Нему.

34 Иисус, выйдя, увидел множество народа и сжалился над ними, потому что они были, как овцы, не имеющие пастыря; и начал учить их много.

35 И как времени прошло много, ученики Его, приступив к Нему, говорят: место здесь пустынное, а времени уже много, — 36 отпусти их, чтобы они пошли в окрестные деревни и селения и купили себе хлеба, ибо им нечего есть.

37 Он сказал им в ответ: вы дайте им есть. И сказали Ему: разве нам пойти купить хлеба динариев на двести и дать им есть?

38 Но Он спросил их: сколько у вас хлебов? пойдите, посмотрите. Они, узнав, сказали: пять хлебов и две рыбы.

39 Тогда повелел им рассадить всех отделениями на зеленой траве.

40 И сели рядами, по сто и по пятидесяти.

41 Он взял пять хлебов и две рыбы, воззрев на небо, благословил и преломил хлебы и дал ученикам Своим, чтобы они раздали им; и две рыбы разделил на всех.

42 И ели все, и насытились.

43 И набрали кусков хлеба и остатков от рыб двенадцать полных коробов.

44 Было же евших хлебы около пяти тысяч мужей.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages