Texts
Return to review | Return to list
Iisus piästäy kuurnehen miehen
history
July 18, 2022 in 16:05 Нина Шибанова
- created the text
- created the text translation
- created the text: 31 Konzu Iisus lähti järilleh Tiiran lohkolpäi, Häi meni Sidonan da Dekapolisan mualoin kauti Galileinjärvele. 32 Sie Hänen luokse tuodih kuurnis mies, kudai ei voinnuh putilleh paista.^ Iisussua kyzyttih panemah käit hänen piäle. 33 Iisus otti miehen bokkah rahvasjoukos, pani sormet hänen korvih, sylgi i kosketti hänen kieldy. 34 Sit Häi kačahtih taivahah, syväh hengähtih i sanoi kuurnehele: «Effata»!^ Se on: "Avavu"! 35 Miehen korvat kerras avavuttih, kieli kerii, i häi rubei pagizemah selgieh. 36 Iisus kieldi rahvastu, ku nikelle ei saneltas täh niškoi, no midä enämbäl Häi kieldi heidy, sidä enämbäl hyö levitettih sidä sanua. 37 Kaikin ylen äijäl diivuittihes da sanottih: «Kui hyvin Häi kai luadii: kuurnehet luadiu kuulijoikse, kielettömät – pagizijoikse».