Texts
Return to list | edit | delete | Create a new | history | Statistics | ? Help
Ken tahtoib tehta ičtaze kaikid vanhembaks
Ken tahtoib tehta ičtaze kaikid vanhembaks
Veps
1Sid’
Iisus pagiži rahvahale i ičeze openikoile : 2«Moisejan ištim om nügüd’ käskištonopendajiden i farisejiden valdas . 3Ka kut hö käskeba teile eläda , muga elägat i tehkat . Vaiše algat tehkoi heiden tegoiden mödhe , sikš ku hö pagižeba üht , a tegeba tošt .4Hö tungeba rahvahale lujas jügedoid kormid , kudambid löumain kantta , no iče hö ei tahtoigoi sormel-ki likahtoitta . 5Kaiken , min hö tegeba , hö tegeba vaiše sikš , miše rahvaz sidä nägiži . Miččed levedad sidoged sanoidenke Pühiš Kirjutusišpäi oma heiden ocas da käziš i miččed pit’käd ribud lepkiš !6Hö navediba ištta praznikan aigan parahimil sijoil i suimpertiš ezmäižil ištmil , 7i oma hüviš meliš , konz mehed irdoil sanuba heile tervhensanoid i kucuba heid «ravvi » – opendai .
8Algat tö antkoi kucta ičtatoi ravvikš , sikš ku teil om vaiše üks’ opendai , Hristos , i tö kaik olet velled . 9Algat kuckoi tataks nikeda , ken om man päl , sikš ku vaiše üks’ om teil Tat , hän , kudamb om taivhas . 10Algat antkoi kucta ičtatoi vedäjikš , sikš ku teil om vaiše üks’ vedäi , Messia .
11Ken teišpäi om vanhemb , se olgha toižiden abunik . 12Ken ičtaze korgenzoitab , se linneb alenzoittud , a ken ičtaze alenzoitab , se linneb korgenzoittud .»
Ken tahtoib tehta ičtaze kaikid vanhembaks
Veps